Áskerı baılanysshylar kásibı merekesin atap ótti

ASTANA. QazAqparat -  Qorǵanys mınıstrliginde QR Qarýly Kúshteri Baılanys áskerleriniń qurylý kúnine arnalǵan is-shara ótti, dep habarlaıdy QazAqparat mınıstrliktiń baspasóz qyzmetine silteme jasap.

26 jyldan beri qazaqstandyq armııanyń áskerı baılanysshylary áskerdiń kúndelikti tynys-tirshiliginde úzdiksiz baılanyspen qamtamasyz etip keledi. Baılanys - bul áskerdiń mańyzdy quramdas bóligi jáne kúndelikti jaýyngerlik tapsyrmalardy oryndaýda sáttilik kepili. Qarýly Kúshterge qoıylǵan tapsyrmalardyń jedel sheshilýi áskerı baılanysshylardyń jumysyna, áskerı baılanystyń ázirliginiń jaı-kúıi men úılesimdiligine, komandırlerdiń joǵary kásibıligine, quramalar men áskerı bólimderdiń dalalyq mashyqtaryna tikeleı baılanysty.



Qazirgi ýaqytta áskerı baılanysshylar kún saıyn mobıldi jáne stantsıonarlyq baılanys júıelerinde oqý-jaýyngerlik tapsyrmalardy oryndaıdy. Áskerı baılanysshynyń arsenalyna belgilerdi qabyldaý-taratý, sondaı-aq, derekterdi kodtaý jáne shıfrsyzdandyrýǵa arnalǵan jabdyqtyń keń aýqymy kiredi. Qazirgi ýaqytta baılanys áskerlerinde zamanaýı tsıfrlyq baılanys quraldarymen qaıta jaraqtandyrý jumysy belsendi júrgizilip jatyr.

«Jyl saıyn ótkiziletin respýblıkalyq jáne halyqaralyq mańyzy bar oqý-jattyǵýlar baılanys áskerleriniń, jeke quram men baılanys áskerı tehnıkasynyń zamanaýı jaǵdaılarda jaýyngerlik tapsyrmalardy oryndaýǵa ázirligin pash etedi. Baılanys áskerleriniń jyl saıynǵy keshendi jattyǵýlaryna qatysa otyryp, olar mol tájirıbe jınaqtaıdy. Polkovnık A.S. Maılybaev, polkovnık V.P. Samovarov, polkovnık J.S. Dúısebaev jáne zapastaǵy polkovnık R.L Hasenov uzaq jyldar boıy jınaǵan tájirıbesin jas áskerı qyzmetshilermen bólisýde», - dedi óziniń quttyqtaý sózinde QR QK Baılanys bas basqarmasynyń bastyǵy, polkovnık Arman Qalıjanov.

Іs-shara qorytyndysy boıynsha eńbegimen erekshelengen áskerı qyzmetshiler gramotalarmen jáne estelik syılyqtarmen marapattaldy.