Áskerı barlaýshylar ózderiniń kásibı merekelerin atap ótti

ASTANA. QazAqparat - Ulttyq áskerı-patrıottyq ortalyqta Qazaqstan Respýblıkasynyń Qorǵanys mınıstri Nurlan Ermekbaevtyń qatysýymen Áskerı barlaý kúnine arnalǵan saltanatty is-shara ótti, dep habarlaıdy mod.gov.kz.

Іs-sharaǵa Qarýly Kúshterdiń ardagerleri men áskerı barlaý organdarynyń ókilderi qatysty. Qurylǵan sátten bastap barlaý ınstıtýty basshylyq etýdiń tıimdi júıesin, onyń jaýyngerlik organdarynyń durys uıymdastyrylǵan túrde qurylýyn, ártúrli jaýyngerlik is-qımyldardy qamtamasyz etýde olardyń nátıjeli qoldanylýyn ázirledi. Aqparattyq tehnologııalardyń damýymen ártúrli barlaý túrleri sanynyń ulǵaıýy baıqalýda.

 «Táýelsizdik jyldary ishinde Elbasy - Qarýly Kúshterdiń Joǵarǵy Bas qolbasshysy Nursultan Nazarbaevtyń basshylyq etýimen Qarýly Kúshteri elimizdiń berik qalqanyna aınaldy. Búginde halyqaralyq sharttardyń joıylýy, saıası turaqsyz, terrorızm aktileri, áskerı is-qımyldardyń aqparattyq, býdandastyq jáne kıbernetıkalyq ádisteri qoldanylatyn kezde eleýli qaýip-qater týǵyzýda.  Áskerı barlaý memleketimizdiń ulttyq qaýipsizdigin qamtamasyz etý júıesiniń jalpy qurylymynda mańyzdy rólge ıe», - dedi QR Qorǵanys mınıstri saltanatty rásimde.

Sondaı-aq shara barysynda qorǵanys vedomstvosynyń basshysy áskerı barlaý organdaryn damytýǵa baǵa jetpes úles qosyp jatqan barlaý bólimsheleri áskerı qyzmetshileri qyzmetiniń kúrdeliligi men mańyzdylyǵyn atap ótti. Vedomstvo basshysy olardyń kásipqoılyqtaryn, saýatty basqarý jáne sheber uıymdastyrýmen ushtastyrýda óz isine degen adaldyqtaryn aıta kele, ardagerlerge erekshe iltıpat pen alǵys bildirdi.


Іs-shara sońynda erekshe kózge túsken ofıtserler men serjanttar vedomstvolyq medaldarmen jáne baǵaly syılyqtarmen marapattaldy.