Áskerı barlaýshylar kásibı merekesin atap ótti

ASTANA. QazAqparat - Áskerı barlaýshylar ózderiniń kásibı merekesin atap ótti, dep habarlaıdy QazAqparat vedomstvonyń resmı saıtyna silteme jasap.  

Ulttyq áskerı-patrıottyq ortalyqta Qazaqstan Respýblıkasynyń Qorǵanys mınıstri Nurlan Ermekbaevtyń qatysýymen barlaýshylar kúnine arnalǵan saltanatty is-shara ótti. Jıynǵa  Qarýly Kúshterdiń ardagerleri men áskerı barlaý organdarynyń ókilderi qatysty. 

Barlaý ınstıtýty qurylǵan sátten bastap basshylyq etýdiń tıimdi júıesin, jaýyngerlik organdarynyń durys uıymdastyrylýyn, ártúrli jaýyngerlik is-qımyldardyń nátıjeli qoldanylýyn qamtamasyz etti. Aqparattyq tehnologııalardyń damýymen barlaý túrleriniń sany ulǵaıyp jatyr. 

«Táýelsizdik alǵaly beri Qarýly Kúshter Joǵarǵy Bas qolbasshysy Nursultan Nazarbaevtyń basshylyǵymen Qarýly Kúshter elimizdiń berik qalqanyna aınaldy. Búginde halyqaralyq sharttardyń joıylýy, saıası turaqsyz, terrorızm aktileri, áskerı is-qımyldardyń aqparattyq, býdandastyq jáne kıbernetıkalyq ádisteri eleýli qaýip-qater týǵyzyp otyr. Áskerı barlaý memleketimizdiń ulttyq qaýipsizdigin qamtamasyz etýde mańyzdy rólge ıe», - dedi QR Qorǵanys mınıstri.

Sondaı-aq, saltanatty shara barysynda vedomstvo basshysy áskerı barlaý organdaryn damytýǵa úles qosyp júrgen áskerıler qyzmetiniń kúrdeliligi men mańyzdylyǵyn atap ótti. 

Jıyn barysynda erekshe kózge túsken ofıtserler men serjanttar vedomstvolyq medaldarmen jáne baǵaly syılyqtarmen marapattaldy.