Áskerı alpınıster «Batyr-panfılovshylar» shyńyna tý tikti

NUR-SULTAN. QazAqparat – Taý daıyndyǵy ortalyǵy nusqaýshylarynyń komandasy «Batyr-panfılovshylar» shyńyn baǵyndyrdy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Áskerı alpınıster bul jolǵy jetistikterin QR Qarýly kúshteriniń 30 jyldyǵy men Jeńistiń 77 jyldyǵyna arnap otyr.

«Qarýly kúshterdiń 30 jyldyǵyna bizdiń eren eńbegimiz!» uranymen ótken shyńdy baǵyndyrý sharasyna 18272 áskerı bólimi komandıriniń jaýyngerlik jáne arnaıy (taý) daıyndyq jónindegi orynbasary, podpolkovnık Amanjol Rahmetov basshylyq jasady», - dep habarlaıdy Qorǵanys mınıstrliginiń baspasóz qyzmeti.

On adamnan turatyn toptyń quramynda Qazaqstannyń tanymal alpınısteri, Qarýly kúshterdiń áskerı qyzmetshileri - maıor Maqsut Jumaev, kapıtan Vasılıı Pıvtsov, serjant Aleksandr Sofrygınder bar.

Kásibı sheberligin taǵy bir ret dáleldegen alpınıster komandasy shyńnyń eń bıik núktesine Qazaqstannyń týyn tikti.

Aıta keteıik, teńiz deńgeıinen 4120 metr bıiktikke deıin jetetin «Batyr-panfılovshylar» shyńy Іle Alataýynyń Kishi Almaty shatqalynda ornalasqan.

Buǵan deıin habarlaǵanymyzdaı, Qazaqstan Qarýly kúshterindegi ıdeologııalyq jumys jospary ázirlendi.