Áskerge shaqyrylǵandardyń sýıtsıdke beıimdiligi arnaıy keshenniń kómegimen anyqtalady

ASTANA. QazAqparat – Ortalyq kommýnıkatsııalar qyzmetinde ótken brıfıngide Qorǵanys mınıstriniń orynbasary Darhan Ahmedıev «Aq-suńqar» ámbebap psıhodıagnostıkalyq kesheniniń múmkindikterin aıtty, dep habarlaıdy QazAqparat tilshisi.

«Qarýly Kúshterdegi sýıtsıdtik minez-qulyqqa jáne basqa da devıantty minez-qulyqqa beıim adamdardy ýaqtyly anyqtaýǵa arnalǵan «Aq-suńqar» ámbebap psıhodıagnostıkalyq keshenderin engizilip jatyr. Keshende 60-tan astam psıhologııalyq quraldar bazasy bar jáne ol psıhologııalyq zertteý nátıjelerin avtomatty túrde óńdeýge múmkindik beredi. Syrttan aralasýǵa, ıaǵnı nátıjelerdi burmalaýǵa jol berilmeıdi, foto-vıdeo jazba jasaý, sondaı-aq adamnyń psıhofızıologııalyq kórsetkishterin ólsheý júrgizedi. Keıinnen osy keshenderdi áskerı oqý oryndaryna jáne kelisimshart boıynsha áskerı qyzmetke kásibı jáne psıhologııalyq irikteý barysynda qoldaný josparlanýda», - dep toqtaldy Darhan Ahmedıev OKQ-da ótken brıfngide.

Sondaı-aq spıker 17 jastaǵy balalardy avtomatty túrge áskerı esepke qoıýdan 1 mlrd teńge únemdeletinin aıtty.

Buǵan qosa, áskerden jaltarý úshin jalǵan anyqtama jasaǵandar anyqtalǵan.