Áskerge shaqyrtý kezinde sybaılas jemqorlyqqa jol bermeýdiń qadamdary qandaı
«Sybaılas jemqorlyq táýekelderin azaıtý úshin bıylǵy kóktemgi áskerge shaqyrý kezinde merzimdi qyzmetke áskerge shaqyrýdy keıinge qaldyrý jáne odan bosatý «Elektrondyq úkimet» portalynyń «E-lıtsenzııalaý» memlekettik derekter bazasynyń aqparattyq júıesi arqyly memlekettik qyzmet kórsetý aıasynda júzege asyryldy. Kórsetilgen memlekettik qyzmetter jasaý tártibi týraly naqty aqparatty egov.kz saıtynan alýǵa bolady nemese ol týraly arnaıy ázirlengen jadynamany jaqyn jerde ornalasqan kez kelgen jergilikti áskerı basqarý organdarynan alasyzdar», - dedi S. Júsipov Ortalyq kommýnıkatsııalar qyzmetinde.
Onyń aıtýnsha, Qorǵanys mınıstrligi jumysty burynǵydaı keri baılanysty kózdeıtin barynsha ashyq formatta jalǵastyrady. Áskerge shaqyrylýshy jáne olardyń ata-analary, jýrnalıster men qoǵam ókilderi ózderine qajetti aqparat alý úshin habarlasa alady jáne olarǵa jaýap beriledi. Ol úshin árbir Qorǵanys isteri jónindegi departamentterde elektrondy poshta jáshikteri jáne áleýmettik jelide resmı akkaýnttar ashyldy.
«Barlyq aqsha talap etý jáne basqa da sybaılas jemqorlyq kórinisteri boıynsha jedel sharalar qabyldaý, sondaı-aq týyndaǵan jaǵdaı boıynsha keńes alý úshin qorǵanys isteri jónindegi departamentterdiń «Qarýly kúshter – adaldyq alańy» jobalyq keńsesine júginý nemese senim telefondaryna habarlasý qajet», - dedi Sáken Júsipov.
Budan buryn habarlanǵandaı, Qazaqstan Prezıdentiniń 2021 jylǵy aqpandaǵy Jarlyǵyna sáıkes, bıylǵy 1 qyrkúıekten bastap kúzgi azamattardy merzimdi áskerı qyzmetke shaqyrý is-sharalary bastalady. Jyl sońyna deıin ásker qataryn 17 myńǵa jýyq jas jigit tolyqtyrady. Áskerge shaqyrylatyndar PTR zertteýden eki ret ótedi.