Áskerge keletin jastar alǵan bilimine qaraı qandaı bólimshelerge baǵyttalady

<p>ASTANA. KAZINFORM &ndash; QR Qorǵanys mınıstrligi áskerge shaqyrylatyndarǵa qandaı talaptar qoıylatynyn túsindirdi.</p>

«Merzimdi áskerı qyzmetke shaqyrylatyndar týraly aıtatyn bolsaq, irikteý kezindegi negizgi talap onyń densaýlyq jaǵdaıyna qatysty. Oǵan qosa, jastardyń mamandyǵy men bilimi de eskeriledi», - delingen mınıstrliktiń Kazinform agenttiginiń saýalyna bergen jaýabynda.

Máselen, matematıka, fızıka jáne ınjenerlik-ekonomıkalyq fakýltetterdi bitirgengender áskerge radıotehnıka nemese zenıttik-zymyrandyq bólimshelerge jiberiledi.

Al aýyl sharýashylyǵynda mehanıkalandyrý jáne elektr jelilerin tartý fakýltetterin támamdaǵan áskerı mindettiler tanki, avıatsııa, zenıttik-zymyrandyq bólimsheler men azamattyq qorǵanys áskerı bólimderine baǵyttalady.

Medıtsınalyq jáne farmatsevtıkalyq fakýltetterdi bitirgen merzimdi áskerı qyzmetshiler Qazaqstan Respýblıkasynyń Qarýly Kúshterine, basqa da áskerleri men áskerı quralymdaryna kishi medıtsına qyzmetkerleri laýazymdaryna jiberiledi.