Áskerden bas tartyp jatqandar joq – Qorǵanys mınıstrliginiń ókili

<p>ASTANA. KAZINFORM &ndash; Bıyl áskerı bólimshelerdiń qajettiligine sáıkes jáne jaýyngerlik daıyndyqty qoldaý maqsatynda merzimdi áskerge shaqyrylǵandardyń sany artqan. Bul týraly QR Qarýly Kúshteri bas shtaby uıymdastyrý-jumyldyrý jumysy departamenti bastyǵynyń orynbasary Farhat Aıdarbekov málim etti.</p>

«Áskerı bólimshelerdiń qajettiligine sáıkes jáne jaýyngerlik daıyndyqty qoldaý maqsatynda biz merzimdi áskerge shaqyrylatyndar sanyn arttyrdyq. Áskerge shaqyrylyp jatqan jóspirimderdiń negizgi kontıngenti 18 jastan 23 jasqa deıin», - dedi Farhat Aıdarbekov Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, jýrnalıster Qorǵanys mınıstrligi ókilinen keıingi ýaqytta áskerı qyzmetshiler men sarbazdar arasynda ólim jáne sýıtsıd faktileriniń kóbeıip ketý faktory otan aldyndaǵy mindetin óteýge nıettilerge áseri týraly surady.

«BAQ-taǵy jaǵymsyz aqparattar áskerge shaqyrý sapasyna áser etken joq. Áskerge shaqyrý jasyndaǵy azamattar óz betinshe kelip jatyr. Áskerden jappaı bas tartý nemese teris pikir joq. Iá, áskerden jaltarýshylar bar, biraq olarmen ishki ister organdary jumys istep jatyr, sol sııaqty jergilikti atqarýshy organdar da qamtamasyz etedi», - deıdi ol.

Onyń aıtýynsha, áskerden sottalǵan, otbasylyq jaǵdaılarǵa baılanysty, oqý, densaýlyq jaǵdaıy taǵy basqa sebeptermen bosatylady.

Buǵan deıin Qorǵanys mınıstrligi ókili kámelet jasyna tolǵan jastardy áskerge kósheden eriksiz alyp ketý zańdy ma, degen saýalǵa jaýap berdi.