Áskerdegi álimjettik jasaý azaıdy - Qorǵanys vıtse-mınıstri Talǵat Muhtarov
«Qarýly kúshterdegi tárbıe jáne ıdeologııalyq jumys júıeli negizde júrgiziledi.Onyń negizi áskerı tártip pen quqyqty nyǵaıǵýǵa, áskerı qyzmetshilerdiń óz paryzyna adal bolýyna jáne qolbasshylyq buıryqtaryn múltiksiz oryndaýǵa baǵyttalǵan. Osy atalǵan jumystardyń negizinde ótken jyly áskerdegi quqyq buzýshylyq 9%-ǵa azaıdy», - dedi Talǵat Muhtarov OKQ-de ótken baspasóz máslıhatynda.
Onyń aıtýynsha, 2018 jyl elimizdiń qarýly kúshteri úshin jaqsy kórsetkishtermen aıaqtaldy.
«Ótken jyly uıymdastyrylǵan respýblıkalyq jáne halyqaralyq is-sharalar qorǵanystyq qabiletimizdi nyǵaıtyp, áskerı qyzmettiń bedelin arttyrdy. 2018 jyly 116 jaýyngerlik daıarlyq sharasy, 2313 jaýyngerlik oq atý, 664 taktıkalyq oqý-jattyǵý jáne 12 komandalyq-shtabtyq jattyǵý ótkizildi», - dedi ol.
Budan bólek, vıtse-mınıstr áskerı sala mamandaryn daıyndaý jumysyna toqtalyp ótti.
«Joǵary bilikti kadrlardy daıyndaý barlyq deńgeı boıynsha iske asyrylýda. ıAǵnı serjanttan bastap generalǵa deıin oqý kýrstarynan ótip, biliktilikterin arttyrýda. Bul baǵytta elimiz boıynsha 9 arnaıy áskerı oqý orny bar», -dedi T.Muhtarov.