Asqarbek Ertaev Eńbek jáne halyqty áleýmettik qorǵaý vıtse-mınıstri qyzmetine taǵaıyndaldy

<p>ASTANA. KAZINFORM &ndash; Qazaqstan Respýblıkasy Úkimetiniń qaýlysymen Ertaev Asqarbek Maratuly eńbek jáne halyqty áleýmettik qorǵaý vıtse-mınıstri qyzmetine taǵaıyndaldy. Bul týraly QR Úkimetiniń baspasóz qyzmeti málim etti.&nbsp;</p>

Asqarbek Ertaev 1977 jyly Aqtóbe qalasynda dúnıege kelgen.

«Nur» Aqtóbe menedjment, bıznes jáne quqyq ınstıtýtyn, Q. Jubanov atyndaǵy Aqtóbe memlekettik ýnıversıtetin bitirgen.

Eńbek jolyn 1997 jyly Aqtóbe oblysy Muǵaljar aýdany ákimi apparatynyń ónerkásip, kólik, baılanys, qurylys jáne kommýnaldyq sharýashylyq máseleleri jónindegi II sanattaǵy maman bolyp bastaǵan.

2000-2014 jj. bank salasynda ártúrli qyzmette jumys istedi.

2014-2021 jj. QR Ulttyq ekonomıka mınıstrligi Memlekettik basqarý júıesin damytý departamentiniń bas sarapshysy, basqarma bastyǵy, dırektordyń orynbasary, Strategııalyq taldaý jáne damý departamentiniń dırektory.

2021-2022 jj. – QR Prezıdenti Ákimshiligi QR Qaýipsizdik keńesi Taldaý bóliminiń sektor meńgerýshisi.

2022 jylǵy maýsymnan bastap qazirgi ýaqytqa deıin QR Úkimeti Apparaty Ekonomıkalyq bóliminiń meńgerýshisi bolyp qyzmet etti.

2023 jyly QR EHÁQM Kóshi-qon komıtetiniń tóraǵasy laýazymynda boldy.