Asqar Júsibalıev Aqtóbe oblystyq aýyl sharýashylyǵy basqarmasyna basshy boldy
Ol buǵan deıin oblystyq tabıǵı resýrstar jáne tabıǵatty paıdalanýdy retteý basqarmasynyń basshysy qyzmetin atqardy.
Aqtóbe oblysynyń basqarmalarynda aýys-túıis bastaldy. Búgin aýyl sharýashylyǵy basqarmasynyń basshysy qyzmetine Asqar Qazıhanuly Júsibalıev taǵaıyndaldy.
Asqar Júsibalıev 1963 jyly Aqtóbe oblysynyń Oıyl aýdanynda dúnıege kelgen. 1985 jyly Batys Qazaqstan aýyl sharýashylyǵy ınstıtýtyn «Agronomııa», 2008 jyly Almaty ekonomıka jáne statıstıka akademııasyn «Esep jáne aýdıt», 2020 jyly Q.Jubanov atyndaǵy Aqtóbe óńirlik memlekettik ýnıversıtetin «Quqyqtaný» mamandyqtary boıynsha bitirgen. Eńbek jolyn 1980 jyly Aqtóbe oblysynyń Isataı sovhozynda jumysshy bolyp bastaǵan.
1985–1991 jyldary aralyǵynda «Aqyrap» keńsharynyń agronomy, «Aqyrap» keńsharynyń Qazaqstan Jastar odaǵy Lenındik komıtetiniń hatshysy, Isataı aýdandyq Kommýnıstik partııa komıteti uıymdastyrý bóliminiń nusqaýshysy, Qobda aýdandyq Kommýnıstik partııa komıtetiniń uıymdastyrý, aýyl sharýashylyǵy bólimderiniń nusqaýshysy bolyp jasaǵan.
— 1991–2011 jyldary aralyǵynda Qobda aýdandyq aýyl sharýashylyǵy basqarmasynyń bas agronomy, Qobda aýdandyq aýyl sharýashylyǵy basqarmasy bastyǵynyń orynbasary, «Bestaý» jaýapkershiligi shekteýli seriktestiginiń dırektory, Aqtóbe oblystyq jer qatynastary basqarmasy bastyǵynyń orynbasary, QR Jer resýrstaryn basqarý agenttiginiń Aqtóbe jáne Batys Qazaqstan oblystary boıynsha óńiraralyq jer ınspektsııasynyń bastyǵy bolyp qyzmet etken. 2011–2024 jyldary aralyǵynda Qobda, Temir, Qarǵaly aýdandaryn basqarǵan, — dep habarlady oblys ákiminiń baspasóz qyzmeti.
Aıta keteıik, Asqar Júsibalıev tórt aı buryn ǵana Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasynyń basshysy qyzmetine taǵaıyndalǵan edi.