Asqar Jumaǵalıev memorgandardyń biryńǵaı platformasynan qansha qarjy únemdeletinin aıtty

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev memorgandardyń ınternet-resýrstary úshin biryńǵaı tuǵyrnamasyn qurý jumysy týraly aıtyp berdi, dep habarlaıdy QazAqparat tilshisi.

«Biz barga memlekettik organdardyń ınternet-resrýrstary úshin biryńǵaı tuǵyrnamany qurýmen aınalysyp jatyrmyz. Osy sheshimdi azamattardan keletin ótinimder bazasynda qabyldadyq», - dedi mınıstr onlaın rejımde halyqqa esep berý barysynda.

Osy oraıda, ol bastapqyda bul sheshim ne úshin qabyldanǵanyn eske saldy.

«Keıbir azamattar birqatar memlekettik organdardyń saıttaryn tabý qıyn ekenin aıtqan bolatyn. Osy oraıda damyǵan elderdiń tıisti tájirıbesin zerttedik. Bul elderde barlyq memlekettik organdar úshin biryńǵaı tuǵyrnama qurylǵan. Osyndaı platformany 310 memorgan úshin qurdyq, olardyń arasynda jergilikti atqarýshy organdar da qamtylǵan. Búginde ony qajetti kontentpen tolyqtyrýdamyz», - dedi Jumaǵalıev.

Onyń aıtýynsha, qazirgi kezde atalǵan tuǵyrnamaǵa memorgandardyń 17 saıty men jergilikti atqarýshy organdardyń 7 saıty ornalastyryldy.

«Osy baǵytta jumystar belsendi júrgizilýde. Bul jumystar memleket shyǵynan 2 mlrd teńgege qysqartýǵa múmkindik beredi», - dedi mınıstr.