Asqar Jumaǵalıev HQO basshylarymen jıyn ótkizdi

NUR-SULTAN. QazAqparat - QR Tsıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıevtiń «Azamattarǵa arnalǵan úkimet» memlekettik korporatsııasy» KEAQ basshylyǵymen ótkizgen jıynda memlekettik korporatsııanyń 2019 jyldyń alǵashqy toqsanda atqarǵan jumystary qorytyndylanyp, aldaǵy kezeńge arnalǵan jumys josparlary talqylandy. Bul týraly korporatsııanyń baspasóz qyzmetine silteme jasap QazAqparat habarlaıdy.

Beınekonferentsbaılanys arqyly onlaın rejimde ótken jıynǵa memlekettik korporatsııanyń barlyq oblystyq jáne Nur-Sultan, Almaty, Shymkent qalalaryndaǵy fılıal dırektorlary da qatysty.

Jıynda qyzmet kórsetý sapasyn arttyrý, qazaqstandyqtardy ózdiginen elektrondyq qyzmetterdi alýǵa úıretý, sybaılas jemqorlyqqa jol bermeý jáne t.b. máseleler talqylandy. Kezdesýde mınıstr jıynnyń basty taqyryby - memlekettik korporatsııa qyzmetkerleriniń jumys isteý prıntsıpterin qaıta qarap, olardy azamattarǵa jaqyn ete túsý ekenin aıtyp ótti.

«Azamattarǵa arnalǵan úkimettiń» negizgi ıdeologııasy sol, sizder - azamattardyń kómekshisisizder. ıAǵnı, sizge kómekke júgingen azamat sapaly qyzmet alýy qajet. Tipti, memlekettik organ tarapynan týyndaǵan máselege oraı, azamat qandaı da bir qyzmetti ala almaǵan jaǵdaıda, sizder barynsha kómek kórsetýlerińiz kerek. «Bir tereze» qaǵıdasy degen - osy», - dep naqtylady Asqar Jumaǵalıev.

HQO-da memlekettik qyzmetterdi kórsetý sapasyn qyzmetkerlerdi qarjylaı yntalandyrý esebinen arttyrý máselesi de sóz boldy. Bıyl qyzmetkerlerdiń jalaqysy orta eseppen 10% kóbeıgenimen, 328 front-keńse basshysyna óz shyǵyndaryn ońtaılandyryp, únemdelgen aqsha qarajatyn jalaqy qoryna aýdarý usynyldy.

Osymen birge, mınıstr merziminen keshiktirilip kórsetilgen ár memlekettik qyzmet boıynsha tekserý júrgizip, memlekettik organdardyń aqparattyq júıeleriniń jumysyna taldaý jasaýdy, oryn alǵan máselelerdi sheshý úshin tıisti is-sharalar qabyldaýdy, azamattardy ózdiginen memlekettik qyzmetterdi alýǵa úıretýdi tapsyrdy.

«Eger bir aımaqta azamattardyń ózdiginen egov, telegram-bot, mobıldik qosymsha arqyly qyzmetterdi alý kórsetkishi 20%-dy kórsetse, kelesi bir aımaqta 2%-dy qurap otyr. Bul oblystyq fılıal basshylarynyń jumysty aıaǵyna deıin jetkizbegenin kórsetedi. ıAǵnı, azamattarǵa mundaı múmkindikter jaıly aıtpaısyzdar nemese olardy durys úıretpeısizder»,- dep aıtyp ótti mınıstr.

Taǵy bir sheshimin kútken másele - sybaılas jemqorlyqpen kúres. Memlekettik korporatsııada kórinis beretin sybaılas jemqorlyqty túp tamyrymen joıýǵa Mınıstrliktiń Memlekettik qyzmet isteri jáne sybaılas jemqorlyqqa qarsy is-qımyl agenttigimen áriptestik jónindegi memorandýmy septigin tıgizýi kerek. Asqar Jumaǵalıev atalǵan qujatqa taıaý kúnderi qol qoıylatynyn jetkizdi.

Aıta keteıik, búginde «Azamattarǵa arnalǵan úkimet» memlekettik korporatsııasy» KEAQ-da memlekettik qyzmettiń 621 túrin usynatyn 328 front-keńse, 9 myńǵa jýyq qyzmetker jumys isteıdi.