Asqar Jumadildaev: Jetistigimniń bári týǵan jerimnen tamyr tartady
«Týǵan jer týǵan úıińnen, týǵan úıińniń tabaldyryǵynan bastalady. Men úshin ol qara qum, qara jel, jyńǵyl, torańǵyl, uǵymdarymen sabaqtasyp jatyr. Bul dúnıede jyńǵyldy, jantaqty eshbir roza gúline de, basqaǵa da teńestirmes edim. Meniń boıymda qandaı da bir artyqshylyq bolsa, osy kúnge deıin qandaı nátıjege qol jetkizsem, sonyń bári týǵan jerimnen tamyr tartady», - dedi Qyzylordada ótken «Týǵan jerge taǵzym» forýmynda akademık Asqar Jumadildaev.
Akademıktiń aıtýyna qaraǵanda, týǵan jerge kelip, taǵzym etý, eldiń aldynda bas ııý úlken mártebe.
«Beınekamera men teledıdar shyǵaratyn «Sony» korporatsııasynyń prezıdentinen: «Osynsha bilimdi bolýyńyzdyń qupııasy nede?» dep surapty jýrnalıst. Sonda Isıkava: «Adamnyń alatyn aqparatyn 100 paıyz dep alsaq, onyń 75 paıyzy - 12 jasqa deıin, 15 paıyzy - 6 jasqa deıin, qalǵan 5 paıyzy 4 jasqa deıin kiredi, qalǵan ýaqytta báribir kirmeıdi» dep jaýap bergen eken. Meniń aqyl-oıymnyń 99 paıyzy osy Syr óńirinde ótkizgen 12 jyl ishinde qalyptasqan bolýy kerek»,- deıdi ǵalym.
Aıta keteıik, atalǵan forýmǵa oblys ákimi Qyrymbek Kósherbaev jáne Syr óńirinde dúnıege kelip, elimizdiń túkpir-túkpirinde eńbek etip jatqan belsendi tulǵalar qatysty .