Asqar Jaqypbaev veterınarııalyq baqylaý komıtetiniń tóraǵasy qyzmetinen bosatyldy

ASTANA. QazAqparat - QR Aýyl sharýashylyǵy mınıstriniń buıryǵymen Asqar Shakenuly Jaqypbaev Aýyl sharýashylyǵy mınıstrligine qarasty veterınarııalyq baqylaý jáne qadaǵalaý komıtetiniń tóraǵasy qyzmetinen bosatyldy, dep habarlaıdy QazAqparat Úkimet saıtyna silteme jasap.

Asqar Jaqypbaev 1963 jyly Shyǵys Qazaqstan oblysynda dúnıege kelgen.

Semeı zootehnıkalyq-veterınarlyq ınstıtýtyn, Almaty ekonomıka jáne statıstıka akademııasyn bitirgen.

Eńbek jolyn 1980 jyly Myńbulaq sovhozynyń qurylys bóliminde jumysshy bolyp bastaǵan.

1986-1996 jyldary Myńbulaq sovhozynyń veterınar dárigeri, komsomol komıtetiniń hatshysy, Myńbulaq aýyly ákimdiginiń veterınar ınspektory bolyp jumys istedi.

1996-1997 jyldary – Aıagóz aýdanynyń bas mal dárigeriniń epızootııa jónindegi orynbasary.

1997-1999 jyldary veterınarlyq qadaǵalaý organdarynda jumys istedi.

1999-2019 jyldary AShM qurylymynda Shyǵys Qazaqstan oblysy boıynsha basshylyq qyzmetterde boldy.

2021 jyly – Ulttyq kásipkerler palatasynyń ShQO boıynsha óńirlik fılıaly dırektorynyń ekonomıkalyq máseleler jónindegi orynbasary.

2021 jylǵy qarashadan beri QR AShM veterınarııalyq baqylaý jáne qadaǵalaý komıtetiniń tóraǵasy bolyp qyzmet etti.