Asqar Omarov: BAQ salasynyń kadrlyq áleýetin arttyrýǵa erekshe kóńil bólemiz

NUR-SULTAN. QazAqparat – QR Aqparat jáne qoǵamdyq damý mınıstrligi buqaralyq aqparat quraldarynyń kadrlyq áleýetin arttyrýǵa erekshe kóńil bóledi. Bul týraly Úkimet otyrysynda atalǵan vedomstvonyń basshysy Asqar Omarov aıtty, dep habarlaıdy QazAqparat tilshisi.

«Memleket basshysynyń 2022 jylǵy 16 naýryzdaǵy Joldaýy aıasynda berilgen tapsyrmasyna sáıkes BAQ salasyndaǵy salalyq zańnamany jetildirý boıynsha jumystar júrgizilýde. Qazirgi ýaqytta jýrnalıstik qoǵamdastyqpen birge jumys toby quryldy jáne BAQ-ty jetildirý boıynsha keshendi jumys júrgizilip jatyr. Mınıstrlik salanyń kadrlyq áleýetin arttyrýǵa erekshe kóńil bóledi», - dedi mınıstr.

Osy rette ol medıa sala mamandaryn oqytý boıynsha 2020-2021 jyldarǵa arnalǵan arnaýly jospar ázirlep, iske asyrǵanyn atap ótti.

«Arnaýly jospardy iske asyrý kezeńinde: ár túrli salanyń baǵytyna mamandanǵan salalyq jýrnalısterdi daıarlaý boıynsha JOO-men memorandýmdarǵa qol qoıyldy; mýltımedııalyq bilim berý jáne aqparattyq platforma iske qosyldy; 4 myńnan astam jýrnalıst medıtsınalyq, ekologııalyq, dinı jáne IT-salalarynda oqytý kýrstarynan ótti; jańa bilim berý baǵdarlamalary iske qosyldy», - dedi Asqar Omarov.