Asqar Myrzaxmetov etnomádenı birlestik ókilderimen kezdesti

TARAZ. QazAqparat - Búgin oblys ákimi Asqar Myrzaxmetov óńirimizdegi etnomádenı birlestik basshylary men ókilderin qabyldady. Bul týraly QazAqparat ákimniń baspasóz qyzmetine silteme jasap habarlaıdy.

Jıynda aldymen Jambyl oblystyq Qazaqstan xalqy Assambleıasynyń xatshylyq meńgerýshisi Marjan Qojaeva baıandama jasap, óńirdegi etnostyq jaǵdaıǵa toqtalyp ótti.

Qazirgi tańda aımaqtyq Qazaqstan halqy Assambleıasy 73 etnomádenı birlestikterdiń basyn biriktirip, jumys atqarýda. Onyń 26-sy oblys ortalyǵynda, 47-si aýdan ortalyǵynda qurylǵan.

Assambleıa quramynda analar keńesi, ǵylymı-saraptamalyq top, «Aqjelken» jastar kóshbasshy lıgasy jáne basqa da uıymdar bar. Osy málimettermen bólisken Marjan Qojaeva xatshylyq tarapynana tqarylyp jatqan jumystar týraly da baıandap ótti.

Kezdesý barysynda «Jambyl oblysy nemis qoǵamy» qoǵamdyq birlestiginiń tóraǵasy Aleksandr Gıbner, Mahmýt Qashqarı atyndaǵy uıǵyr etnomádenı birlestiginiń tóraıymy Mýxabbat Týrdyeva, Dúngen etnomádenı birlestigi janyndaǵy «Aqjelken» jastar qanatynyń tóraǵasy Zaınýddın Mahýseev jáne ózgeler sóz alyp, oı-pikirlerin ortaǵa saldy.
 

Bas qosý barysynda jastarǵa qatysty startap jobalary usynylyp, mıgratsııalyq jáne túrli áleýmettik máseleler kóterildi.

Asqar Isabekuly óńirdegi oń ózgeristerdi tilge tıek etip, olardyń barlyǵynda etnomádenı birlestikteriniń de úlesi az emes ekenin aıtyp, birlik bar jerde berekeli is bolatynyn jetkizdi. Aldaǵy ýaqytta da yntymaǵy jarasqan Jambyl jeriniń órkendeı berýine aıanbaı ter tógýge shaqyrdy.