Asqar Mamın jumyssyzdyqpen kúres boıynsha tapsyrmalar berdi
«Birinshi, Eńbek mınıstrligi salalyq memlekettik organdarmen, ákimdiktermen birlesip, ekonomıkanyń sapaly jáne ornyqty ósýi úshin kadr qajettiligin anyqtaý máselesin qarasyn. Ekinshi, tsıfrlandyrý - jumyspen qamtýdyń túbegeıli jańa formalarynyń paıda bolýyna ákelip otyr. Jumyspen qamtýdyń jańa formalaryn retteý jáne ekonomıkalyq belsendilikke tartý mehanızimin ázirleýdi jedeldetý qajet», - dedi Premer-Mınıstr Úkimettiń búgingi otyrysynda.
Úshinshiden, Úkimet basshysy biliktilikti retteýdi – eńbek naryǵynyń básekege qabilettiligin arttyratyn júıeli qadam dep baǵalady. Osyǵan oraı, Eńbek mınıstrligi salalyq memlekettik organdarmen, «Atameken» kásipkerler palatasymen, kásipodaqtarmen, sarapshylyq qoǵamdastyqpen birlesip, «Kásiptik biliktilikter týraly» zań jobasyn ázirlep, talqylaýdy jyldamdatý júkteldi.
«Tórtinshi, Batys Qazaqstan jáne Qyzylorda oblystarynyń ákimdikteri qysqa merzimde mıkroqarjylyq uıymdardyń jarǵylyq kapıtalyn tolyqtyrýdy qamtamasyz etsin. Besinshi, Eńbek mınıstrligi «Atameken» kásipkerler palatasymen jáne ákimdiktermen birlesip, «Bastaý bıznes» jobasyn Kásipkerlik jónindegi ulttyq joba aıasynda iske asyrýdy jalǵastyrý qajet. Kásipkerlik jónindegi jobalyq ofıs aıasynda mınıstr Serik Shapkenovtiń jetekshiligimen jumyspen qamtý boıynsha baǵyt jasaý qajet», - dedi Asqar Mamın.