Asqar Mamın Ulttyq olımpıada komıtetiniń basym mindetterin aıqyndap berdi

NUR-SULTAN. QazAqparat - Búgin QR Ulttyq olımpıada komıteti Bas assambleıasynyń otyrysynda el Premer-Mınıstri Asqar Mamın atalǵan uıymnyń aldyndaǵy basym mindetterdi aıtty, dep habarlaıdy QazAqparat tilshisi.

«Olımpıadalyq sport túrlerin uıymdastyrýdyń qoldanystaǵy júıesi komandalarymyzdyń jattyǵý protsesin tıimdi qamtamasyz etýge múmkindik beredi. Sizderdiń nazarlaryńyzdy ásirese ósip kele jatqan býynǵa aýdartqym keledi. Olardyń arasynda kóptegen talanttar bar. Bizdiń ortaq maqsatymyz - olardy taýyp oqytý jáne iri álemdik jarystarda jeńiske jetkizý. Bul tarmaq árbir federatsııa úshin basymdyq bolyp sanalady», - dedi Asqar Mamın.

Úkimet basshysy ulttyq qurama komandamyz 2020 jyly Tokıoda ótetin Olımpıada oıyndarynda laıyqty óner kórsetý úshin qazirden bastap bar kúsh-jigerdi jumsaý qajettigin aıtty.

«Tájirıbeli bapkerlerimiz, daryndy sportshylarymyz, jalpy áleýetimiz bar», - dedi ol.