Asqar Mamın Úkimettiń bıylǵy 5 mindetin atady

NUR-SULTAN. QazAqparat – Premer-Mınıstr Asqar Mamın Úkimettiń bıyl júzege asyratyn bes mindetin atady, dep habarlaıdy QazAqparat tilshisi.

«Sizdiń (Prezıdent Qasym-Jomart Toqaev – avt.) tapsyrmalaryńyzdy oryndaý aıasynda Úkimettiń 2020 jylǵy jumysynyń negizgi maqsaty — ekonomıka ósimin 4,7-5 % deńgeıinde qamtamasyz etý bolyp tabylady. Sonymen birge, Úkimettiń aldynda 430 myń jańa jumys ornyn qurý, ınvestıtsııalar kólemin jalpy ishki ónimniń 20% deńgeıine jetkizý, shıkizattyq emes eksportty $18,6 mlrd deıin jetkizý, halyqtyń naqty tabysyn 6% arttyrý, shaǵyn jáne orta bıznestiń ekonomıkadaǵy úlesin 30 deıin ulǵaıtý jáne 15 mln sharshy metr turǵyn úı salý boıynsha asa mańyzdy mindetter qoıylǵan», - dedi Asqar Mamın Úkimettiń keńeıtilgen otyrysynda.