Asqar Mamın RF Úkimetiniń Tóraǵasymen telefon arqyly sóılesti

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın Reseı Federatsııasy Úkimetiniń Tóraǵasy Mıhaıl Mıshýstınmen telefon arqyly sóılesti, dep jazady primeminister.kz.

Taraptar Qazaqstan Respýblıkasynyń Prezıdenti Qasym-Jomart Toqaev pen Reseı Federatsııasynyń Prezıdenti Vladımır Pýtın arasyndaǵy COVID-19 taralýyna jol bermeý jónindegi birlesken sharalar týraly ýaǵdalastyqtardyń praktıkalyq iske asyrylýyn talqylady.

Úkimet basshylary búgin Qaraǵandy qalasynda iske qosylǵan «Spýtnık V» vaktsınasynyń óndirisi jáne qazaqstandyqtardy aldaǵy vaktsınatsııalaý QR-daǵy turaqty sanıtarlyq-epıdemıologııalyq jaǵdaıdy saqtaýǵa úlken úles qosatynyn atap ótti.

Áńgimelesý kezinde sondaı-aq saýda-ekonomıkalyq jáne kólik salalaryndaǵy ekijaqty yntymaqtastyqtyń, ónerkásiptik kooperatsııany damytý jáne EAEO aıasyndaǵy ózara is-qımyldyń ózekti máseleleri qaraldy.