Asqar Mamın reseılik «LÝKOIL» basshysy Vagıt Alekperovpen kezdesti

NUR-SULTAN. QazAqparat - QR Premer-Mınıstri Asqar Mamın «LÝKOIL» JAQ prezıdenti Vagıt Alekperovpen kezdesti, dep habarlaıdy QazAqparat Úkimettiń baspasóz qyzmetine silteme jasap.

Taraptar kómirsýtek shıkizatyn barlaý, óndirý jáne tasymaldaý, sondaı-aq munaı óńdeý jáne munaı-gaz hımııasy salalaryndaǵy birlesken ınvestıtsııalyq jobalardy iske asyrýdyń jaı-kúıi men perspektıvasyn talqylady.

TShO-nyń bolashaq keńeıtý jobasy men Saǵalyq qysymdy basqarý jobasyn iske asyrýǵa, Qarashyǵanaq jobasyn odan ári damytýǵa jáne «Kaspıı Qubyr Konsortsıýmy» munaı qubyryndaǵy tar jerlerdi joıý máselesine erekshe nazar aýdaryldy.

Sondaı-aq «Ortalyq», «Jeńis» jáne «Ál-Farabı» («1-R-2») jobalaryn iske asyrý máseleleri qaraldy.

V. Alekperov Úkimet basshysyna Almaty oblysynda 2019 jyly ashylǵan maılaý materıaldaryn shyǵaratyn zaýyttyń jumysy týraly baıandady. Qazirgi ýaqytta kásiporynda aı saıyn 3,2 myń tonnaǵa deıin 700 ataýly daıyn ónim óndiriledi. 2024 jyly 100 myń tonna jobalyq qýatyna shyǵýy josparlanǵan.

A. Mamın «LÝKOIL» JAQ-tyń zamanaýı ekologııalyq taza tehnologııalardy qoldanýyn, densaýlyq saqtaý jáne eńbek qaýipsizdigi salasynda joǵary standarttardy saqtaýyn, sondaı-aq Qazaqstanda áleýmettik jobalardy iske asyrýdy qamtamasyz etýiniń mańyzdylyǵyn atap ótti.

Kezdesýge energetıka mınıstri Nurlan Noǵaev jáne «QazMunaıGaz» UK» AQ basqarma tóraǵasy Alık Aıdarbaev qatysty.