Asqar Mamın: Óńirlerdiń basym bóliginde ınvestııalyq belsendilik joǵary

NUR-SULTAN. QazAqparat – 2021 jyldyń birinshi jartyjyldyǵynda 4,4 mlrd dollar tikeleı shetel ınvestıtsııasy tartyldy. Bul týraly QR Premer-Mınıstri Asqar Mamın aıtty, dep habarlaıdy QazAqparat tilshisi.

«Bıyl aldymyzǵa órshil mindet júktep otyrmyz. Ol - negizgi kapıtalǵa ınvestıtsııa kólemin jalpy ishki ónimniń 20 paıyzyna deıingi deńgeıge, tikeleı shetel ınvestıtsııasyn 19 mlrd dollarǵa jetkizý. Jartyjyldyqtyń qorytyndysynda óńirlerdiń basym bóliginde joǵary ınvestıtsııalyq belsendilik baıqalady. Eń úzdik kórsetkish Túrkistan, Soltústik Qazaqstan oblystarynda, sonymen qatar Almaty qalasynda. Tómendeý Batys Qazaqstan men Atyraý oblystarynda tirkelgen», - dedi Premer-Mınıstr Úkimettiń keńeıtilgen otyrysynda.

Úkimet basshysynyń atap ótýinshe, tolyqtaı alǵanda negizgi kapıtalǵa ınvestıtsııa kólemi osy jyldyń 6 aıynda 5,2 trln teńgeni qurap otyr

«2021 jyldyń birinshi jartyjyldyǵynyń nátıjesinde tikeleı sheteldik ınvestıtsııanyń kólemi 4,4 mlrd dollarǵa jetip, 10 paıyzǵa ósti», - dedi Asqar Mamın.

Eske salsaq, búgin Prezıdent tóraǵalyǵymen Úkimettiń keńeıtilgen otyrysy ótip jatyr.

Sharada Memleket basyshsy Qasym-Jomart Toqaev indetke jáne shekteý is-sharalaryna qaramastan el ekonomıkasy jarty jyldyń ishinde 2,2 paıyzǵa óskenin aıtty.