Asqar Mamın: Meıirim men súıispenshiliktiń nyshanyna aınalǵan Rojdestvo janashyrlyqqa úndeıdi

NUR-SULTAN. QazAqparat - QR Premer-Mınıstri Asqar Mamın qazaqstandyq pravoslavıe hrıstıandaryn Rojdestvo merekesimen quttyqtady, dep habarlaıdy Úkimet basshysynyń baspasóz qyzmeti.

Qazaqstannyń pravoslavıe hrıstıandaryn Rojdestvo merekesimen quttyqtaımyn.

Meıirim men súıispenshilik, ádildik tárizdi máńgilik qundylyqtardyń nyshanyna aınalǵan izgi meıram janashyrlyq pen qaıyrymdylyqqa úndeıdi.

Senim adamdardy rýhanı jetilýge ári ıgilikti isterge jeteleıdi.

Rojdestvo — kópultty Qazaqstandaǵy tatýlyq pen kelisimdi nyǵaıta túsetin jarqyn da izgi merekelerdiń biri.

Pravoslav hrıstıandaryna, barlyq qazaqstandyqtarǵa myqty densaýlyq jáne ıgilik tileımin!

Mereke ár shańyraqqa shattyq pen baqyt syılasyn.

Qazaqstan Respýblıkasynyń Premer-Mınıstri Asqar Mamın