Asqar Mamın: IT- salasynda 100 myńnan astam jańa jumys orny qurylady
«Tsıfrlyq ındýstrııadaǵy bıznesti qoldaý sharalarynyń arqasynda biz bir myńnan astam ınnovatsııalyq kompanııa qurýdy josparlap otyrmyz. Jalpy, IT-ındýstrııasynda 100 myńnan astam jańa jumys ornyn qurý kózdelgen. Bul ekonomıkanyń barlyq salasyna mýltıplıkatıvti áser beredi», - dedi Asqar Mamın «Digital Almaty 2021- Jahandyq ekonomıkanyń tsıfrlyq bolashaǵy» atty halyqaralyq forýmynda.
Sonymen qatar, ol aldaǵy bes jyl ishinde barlyq oblys ortalyqtary men respýblıkalyq mańyzy bar qalalar 5G jelisimen qamtamasyz etiletindigin atap ótti.
«Búgingi tańda tsıfrlandyrýdy damytý máseleleri burynǵydan da ózekti. Bizdiń aldaǵy onjyldyqtaǵy básekege qabilettiligimiz ulttyq ekonomıka deńgeıinde de, EAEO keńistigi deńgeıinde de tehnologııalyq jumysymyzǵa baılanysty bolady. Odaq organdaryna tóraǵalyq etý sheńberinde Qazaqstan EAEO biryńǵaı naryǵyn tsıfrlandyrý áleýetin tolyq iske asyrýǵa kúshin salady. Biz Odaqtyń kún tártibinde turǵan tsıfrlyq damýǵa qatysty bastamalardy ázirleý men iske asyrýǵa birlesip kúsh salamyz», - dedi Asqar Mamın.
Eske salsaq, Almatyda «Digital Almaty 2021- Jahandyq ekonomıkanyń tsıfrlyq bolashaǵy» atty halyqaralyq forým ótip jatyr. Memleket basshysy Qasym-Jomart Toqaevtyń forým qatysýshylaryna vıdeoúndeý joldady.