Asqar Mamın iri halyqaralyq qarjy qurylymdarynyń ókilderimen kezdesti
Halyqaralyq bank uıymdarynyń delegatsııalarymen aǵymdaǵy ınvestıtsııalyq jobalar jáne ekonomıkanyń túrli sektorlarynda yntymaqtastyqty odan ári damytýdyń perspektıvaly baǵyttary talqylandy. Kezdesýler barysynda shaǵyn jáne orta bıznesti qoldaý jobalaryna, onyń ishinde MJÁ mehanızmderin belsene qoldaný arqyly da qoldaýǵa basa nazar aýdaryldy.
Eýropalyq qaıta qurý jáne damý bankiniń vıtse-prezıdenti Alan Pııýmen kelissózder birlesken jobalardy iske asyrý jáne tıimdi yntymaqtastyqty jalǵastyrý máselelerine arnaldy. 2018 jyly Qazaqstan ekonomıkanyń barlyq sektorlary boıynsha, onyń ishinde taý-ken salasy, mýnıtsıpaldy jáne kólik ınfraqurylymy, jańartylatyn energııa kózderi jáne ShOB boıynsha EQQDB-men $541 mln somasynyń 26 jobasyna qol qoıdy. 1993 jyldan beri, yntymaqtastyq ornatylǵan sátten bastap, bank Qazaqstanda 240 jobaǵa $8 mlrd-tan astam ınvestıtsııa saldy.
Qazaqstandaǵy EQQDB aktıvti qorjyny 124 jobany qamtıdy. Búginde jalpy somasy 31,5 mlrd teńgege 9 joba iske asyrylyp jatyr. Yntymaqtastyqtyń negizgi baǵyttarynyń biri - avtojoldy rekonstrýktsııalaý. Bıyl «Kúrti-Qapshaǵaı» jáne «Atyraý - Astrahan» ýchaskeleriniń rekonstrýktsııasy boıynsha eki jańa jobaǵa qol qoıý josparlanǵan.
Azııa damý bankiniń vıtse-prezıdenti Shıksın Chenmen kezdesýde turaqty ekonomıkalyq ósimdi qamtamasyz etý men qurylymdyq reformalar júrgizýge baǵyttalǵan 2017-2021 jyldarǵa arnalǵan seriktestik týraly eldik strategııany iske asyrý aıasyndaǵy ózara is-qımyldyń ózekti máseleleri talqylandy.
Qazirgi tańda jalpy somasy $831 mln 3 iri ınfraqurylymdyq joba jáne $11,7 mln 14 tehnıkalyq kómek jobasy iske asyrylý satysynda. 2019 jyly 5 jobany júzege asyrý kózdelgen, sonyń ishinde jerdi sýlandyratyn júıelerdi jańǵyrtý, joldardy jáne qala ınfraqurylymyn rekonstrýktsııalaý jobalary bar.
CITIC Bank dırektorlar keńesiniń tóraǵasy Lı Tsınpınmen áńgimelesý barysynda yntymaqtastyqty odan ári keńeıtý perspektıvalary, onyń ishinde aktsıonerler quramyna China CITIC Bank kiretin «Altyn Bank» AQ qyzmeti qaraldy. Taraptar Banktiń Qazaqstan ekonomıkasynyń naqty sektoryn nesıelendirýge belsene qatysyp otyrǵanyn atap ótip, klıentterge qyzmet kórsetý men korporatıvtik basqarýda engizilip jatqan joǵary standarttardy oń baǵalady.
Punjab National Bank úndi bankiniń tóraǵasy men basqarýshy dırektory Sýnıl Mehtamen qazirgi yntymaqtastyq máseleleri, onyń ishinde «Tengri Bank» AQ jumysy aıasyndaǵy ózara is-qımyl máseleleri talqylandy. Sondaı-aq, bank qyzmetterin damytýdyń zamanaýı álemdik úrdisteri jáne olardyń jekelegen elderdiń ekonomıkasyna áleýetti yqpaly jóninde pikir almastyryldy.