Asqar Mamın ınvestıtsııalyq ahýaldy jaqsartý jónindegi keńestiń otyrysyn ótkizdi
QR Premer-Mınıstri Asqar Mamınniń tóraǵalyǵymen ótken Investıtsııalyq ahýaldy jaqsartý jónindegi keńestiń (IAJK) otyrysynda Qazaqstannyń Dúnıejúzilik saýda uıymyna (DSU) múshelik etýi máseleleri qaraldy.
Qazaqstannyń DSU-ǵa músheliginiń jaı-kúıi men keleshegin baǵalaý jónindegi baıandamalarmen, sondaı-aq, eldegi ınvestıtsııalyq ahýaldy jaqsartý jónindegi usynystarmen Qazaqstanda akkredıttelgen AQSh elshisi Ý. Mozer, Ulybrıtanııa elshisi M. Gıfford, Kanada elshisi N. Brýsso, Eýropalyq Odaq elshisi Sven-Olov Karlsson, DSU-daǵy Kanadanyń turaqty ókili S. Boer, AQSh saýda ókili kómekshisiniń orynbasary Z. Reıazýddın, «Shell Kazakhstan» vıtse-prezıdenti jáne eldik tóraǵasy O. Lazar, «OMV Petrom» basqarýshy dırektory D. Barý, «Globalink» prezıdenti S. Han, «Baker & MacKenzie» seriktesi A. Iorsh sóz sóıledi.
Úkimet basshysy 2050 jylǵa qaraı álemniń asa damyǵan 30 eliniń qataryna kirý úshin JІÓ-niń jyl saıynǵy ósý qarqynyn 5% deńgeıinde qamtamasyz etý qajet ekenin, bul rette negizgi kapıtalǵa salynǵan ınvestıtsııalar deńgeıi 2024 jyly JІÓ-niń 30% deıin jetýi kerek ekenin atap ótti.
«Tikeleı sheteldik ınvestıtsııalar – bul ınvestıtsııalardyń mańyzdy kózi. Osyǵan baılanysty Qazaqstan ınvestıtsııa tartý boıynsha proaktıvti pozıtsııany ustanýy kerek», — dedi A. Mamın.
Premer-Mınıstr 2020 jylǵy maýsymda Nur-Sultan qalasynda DSU-nyń 12-shi Mınıstrler konferentsııasyn ótkizý josparlanǵanyn aıtty.
«Bul bizge Qazaqstannyń ekonomıkalyq jáne ınvestıtsııalyq saıasatynyń ashyqtyǵyn kórsetýge jol ashady jáne elimizdiń kópjaqty saýda júıesine belsendi qatysýshy retindegi mártebesin rastaıdy», — dep atap ótti A. Mamın.
Qazaqstan — 2015 jyldan beri DSU resmı múshesi.
DSU-men ózara is-qımyl aıasynda Qazaqstanda valıýtalyq retteý, baǵa belgileý jáne básekelestikti damytý, salyq saıasaty, kedendik retteý, ımportty lıtsenzııalaý, zııatkerlik menshik quqyǵyn qorǵaý, ónimniń qaýipsizdigin qamtamasyz etý salasyndaǵy birqatar zańnamalyq aktiler jetildirildi, sonyń ishinde tehnıkalyq retteý, sanıtarlyq jáne veterınarlyq sıpattaǵy sharalardy qabyldaý arqyly júzege asyryldy.
Qazaqstandaǵy bıznes júrgizý rásimderin jeńildetý jáne ınvestıtsııalyq ahýaldy jaqsartý maqsatynda 50-den astam zańnamalyq aktilerge ózgerister engizildi. Osy jyldyń maýsym aıynda Qazaqstan Respýblıkasynyń Saýda jáne ıntegratsııa mınıstrligi quryldy, ol DSU-men ózara is-qımyl máselelerin ilgeriletýdi qosa alǵanda, elimizdiń ishki jáne syrtqy saýda saıasatyn qalyptastyrýǵa jáne júzege asyrýǵa baǵyttalǵan.