Asqar Mamın: Elbasynyń barlyq bastamalary qarjylandyrýmen qamtamasyz etilgen

ASTANA. QazAqparat - Búgin QR Premer-Mınıstri Asqar Mamınniń tóraǵalyǵymen ótken Úkimet otyrysynda 2019-2023 jyldarǵa Qazaqstannyń áleýmettik-ekonomıkalyq damýy jáne aldaǵy úsh jylǵa arnalǵan respýblıkalyq bıýdjet boljamy naqtylandy. Bul týraly primeminister.kz saıtynda habarlandy.

Negizi makrokórsetkishter men bıýdjettik parametrlerdiń boljamdary týraly Premer-Mınıstrdiń birinshi orynbasary - Qarjy mınıstri Álıhan Smaıylov jáne Ulttyq ekonomıka mınıstri Rýslan Dálenov baıandady.

Úkimet basshysy usynylyp otyrǵan ózgeristerdi engizý halyqtyń turmys sapasyn arttyrýǵa baǵyttalǵan Elbasynyń «Áleýmettik qamqorlyq» áleýmettik bastamalaryn iske asyrýmen baılanysty ekenin atap ótti.

«Prezıdenttiń barlyq bastamalaryna tolyq kólemde qarjy bólinip, júzege asyrylatyn bolady», - dedi Asqar Mamın.

Sondaı-aq ol alǵa qoıylǵan mindetterdiń ýaqytyly oryndalýyn, olardyń nátıjeli ári sapaly bolýy qajettigin aıtty.

Máseleni qaraý qorytyndysy boıynsha, tıisti memlekettik organdarǵa belgilengen tártipte zań jobalaryn QR Parlamenti qaraýyna engizý tapsyryldy.