Asqar Mamın Elbasy Nursultan Nazarbaevqa tezirek saýyǵýyn tiledi

NUR-SULTAN. QazAqparat – Úkimet basshysy Asqar Mamın QR Tuńǵysh Prezıdenti – Elbasy Nursultan Nazarbaevqa syrqatynan tezirek aıyǵyp shyǵýyn tiledi, dep habarlaıdy QazAqparat QR Premer-Mınıstriniń resmı saıtyna silteme jasap.

«Tuńǵysh Prezıdentimiz – Elbasy Nursultan Ábishuly Nazarbaevtyń koronavırýs ınfektsııasynyń bar-joǵyn anyqtaýǵa tapsyrǵan testiniń nátıjelerin erekshe ýaıymmen jáne alańdaı otyryp qabyldadyq. Óz atymnan jáne Úkimettiń barlyq músheleriniń atynan Elbasy Nursultan Ábishulyna tezirek saýyǵyp shyǵyp, táýelsiz Qazaqstannyń ıgiligi jolynda uzaq jyldar boıy eńbek etýdi tileımin.

Baqytymyzǵa oraı, Nursultan Ábishuly ózin jaqsy sezinýde jáne ózine tán sergektigimen qashyqtan jumys istep jatyr», -dep jazdy Qazaqstan Respýblıkasynyń Premer-Mınıstri

Asqar Mamın.