Asqar Mamın EQQDB prezıdentimen Qazaqstanda birlesken jobalardy iske asyrý jaıyn talqylady

NUR-SULTAN. QazAqparat - QR Premer-Mınıstri Asqar Mamın Eýropalyq Qaıta Qurý jáne Damý Bankiniń (EQQDB) prezıdenti Odıl Reno-Bassomen kelissóz júrgizdi, dep habarlaıdy QazAqparat Úkimettiń baspasóz qyzmetine silteme jasap.

«EQQDB-nyń Qazaqstandaǵy jumysy kezeńinde jalpy somasy $9,4 mlrd asatyn 280 joba qarjylandyryldy, onyń 66%-y – jekemenshik sektorda. Investıtsııalar ınfraqurylym, energetıka, aýyl sharýashylyǵy, IT, qarjy, TKSh, sondaı-aq shaǵyn jáne orta bıznes tárizdi ekonomıkanyń basymdyqty salalarynda jobalardy júzege asyrýǵa baǵyttaldy», - dedi A. Mamın.

Taraptar Qazaqstannyń energetıkalyq sektoryn dekarbonızatsııalaý baǵdarlamasyn, EQQDB-nyń «Jasyl qalalar» baǵdarlamasyn iske asyrý, kárizdik tazartý qurylystaryn jańǵyrtý, sondaı-aq shaǵyn jáne orta bıznesti damytý máselelerin talqylady.

Úlken Almaty aınalma avtomobıl jolyn (ÚAAAJ), Almaty qalasynda S.D. Asfendııarov atyndaǵy aýrýhanany jáne memlekettik-jekemenshik áriptestik sheńberinde basqa da densaýlyq saqtaý nysandaryn salý jobalaryna erekshe nazar aýdaryldy.

Kelissóz qorytyndysy boıynsha ulttyq ekonomıka mınıstri Áset Erǵalıev pen EQQDB-nyń Qazaqstan boıynsha basshysy Agrıs Preımanıs QR Úkimeti men EQQDB arasyndaǵy eldiń ornyqty damýy men ósýine járdemdesýge baǵyttalǵan yntymaqtastyqty keńeıtý boıynsha áriptestik týraly negizdemelik kelisimge qol qoıdy.

Qujat zamanaýı energııa tıimdi jáne resýrs únemdeıtin tehnologııalardy engizý, venchýrlyq qarjylandyrýdy damytý arqyly ınnovatsııalar men tsıfrlandyrýǵa járdemdesý, MJÁ-niń quqyqtyq jáne ınstıtýtsıonaldyq bazasyn nyǵaıtý, kólik jáne turǵyn úı-kommýnaldyq ınfraqurylymynda qarjylyq jáne ekologııalyq turaqtylyqqa qol jetkizý jáne ózara is-qımyldyń basqa da aspektileri esebinen jeke sektordy qoldaý, QR ekonomıkasyna tikeleı sheteldik ınvestıtsııalardy tartý, jasyl ekonomıkany damytý máselelerin qamtıdy.