Asqar Mamın EAEO-daǵy ınvestıtsııalyq qyzmetti kúsheıtýdi usyndy

NUR-SULTAN. QazAqparat - QR Premer-Mınıstri Asqar Mamın Eýrazııalyq úkimetaralyq keńestiń (EÚAK) otyrysyna beınekonferentsııa baılanysy rejıminde qatysty, dep habarlaıdy QazAqparat QR Úkimetiniń resmı saıtyna silteme jasap.

Úkimet basshysy Eýrazııalyq ekonomıkalyq odaqta jáne odan tys jerlerde saýdanyń kólemi men turaqtylyǵyn arttyrý qajettigin atap ótti, bul EAEO-nyń erkin saýda aımaǵy týraly kelisimderi bar elderdiń tizimin keńeıtýdi talap etedi. Premer-Mınıstr EAEO aıasyndaǵy ınvestıtsııalyq qyzmettiń ishki áleýetin arttyrý jónindegi jumysty kúsheıtýdiń mańyzdylyǵyn atap ótti.

«Bul protseste negizgi maqsaty EAEO-ǵa múshe memleketterdiń ekonomıkalyq ósýine yqpaldasý jáne ınvestıtsııalyq qyzmetti júzege asyrý arqyly saýda-ekonomıkalyq baılanystardy keńeıtý bolǵan Eýrazııalyq damý banki birinshi kezektegi róldi atqarýy tıis», - dedi A. Mamın.

Úkimet basshysy EAEO-da qabyldanatyn barlyq sheshimderdiń bıznesti damytýǵa, EAEO elderi bıýdjetteriniń shyǵystaryna jáne jalpy alǵanda ekonomıkalyq kórsetkishterdi jaqsartýǵa áserin mindetti sandyq jáne sapalyq baǵalaýdy engizýdi usyndy. Otyrysqa qatysýshylar Eýrazııalyq ekonomıkalyq ıntegratsııany damytýdyń 2025 jylǵa deıingi strategııalyq baǵyttaryn, memlekettik (mýnıtsıpaldyq) satyp alý maqsattary úshin taýarlardyń jekelegen túrleriniń shyǵarylǵan elin aıqyndaý qaǵıdalaryn, EAEO ishki naryǵynda 2021-2022 jyldary joıylýy tıis alyp tastaý jáne shekteýler tizbesin, biryńǵaı kedendik-tarıftik retteý máselesin, sondaı-aq EAEO aıasynda qurylys salasynda kórsetiletin qyzmetterdiń biryńǵaı naryǵynyń jumys isteýin qamtamasyz etý jónindegi is-sharalar josparyn qarady.