Asqar Mamın DSU mınıstrlik konferentsııasyn ótkizý shyǵynyn atady

NUR-SULTAN. QazAqparat – Qazaqstan 2020 jyly Dúnıejúzilik saýda uıymy 12-shi mınıstrlik konferentsııasyn ótkizýge 2,85 mlrd teńge qarjy jumsaıdy. Bul jaıynda Májilis depýtattarynyń resmı saýalyna oraı QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

Onyń atap ótýinshe, 2019 jyldyń 25-28 maýsymynda Dúnıejúzilik saýda uıymy bas dırektorynyń orynbasary K.Braýner bastaǵan DSU-nyń maqsatty toby Nur-Sultan qalasyna kelip ketti. Sapar qorytyndysynda DSU hatshylyǵy Qazaqstan úshin DSU mınıstrlik konferentsııasyn ótkizý boıynsha jan-jaqty nusqaýlyq ázirledi.

«Munan ary DSU 12-shi mınıstrlik konferentsııasyn uıymdastyrý daıyndyǵy atalǵan qujatty basshylyqqa ala otyryp júzege asyrylady. Nusqaýlyq 12-shi mınıstrlik konferentsııasyn ótkizýdiń uıymdastyrý máseleleri boıynsha talaptardy qamtıdy. Aıtalyq, nusqaýlyq talaby negizinde tıisti bıýdjettik ótinim qalyptastyrylyp, shyǵyndary eseptelindi jáne Respýblıkalyq bıýdjettik komıssııa maquldady. Boljaldy esepteýlerge sáıkes, 12-shi mınıstrlik konferentsııasy jalpy qatysýshylarynyń búkil shyǵyndary shamamen 18 mlrd teńgeni quraıdy. Bul rette Qazaqstan Respýblıkasynyń sharany uıymdastyrýǵa arnalǵan shyǵystary 2,85 mlrd teńge bolady. DSU hatshylyǵynyń 1,2 mln shveıtsar franki kólemindegi shyǵystary óz qyzmetkerleriniń (shamamen 200 adam) jáne damýy tómen elder (36 el) delegattarynyń jatyn oryndary men ushyp kelý-ketý tólemderin qamtıdy. Qalǵan soma – bul sheteldik delegattardyń (DSU-ǵa múshe 164 eldiń Saýda mınıstrleri men parlamentarııleri, sonymen qatar birqatar memlekettiń jáne iri halyqaralyq kompanııalardyń, úkimettik emes uıymdardyń basshylary) ushyp kelý-ketýmen, jatyn oryn jáne tamaqtanýymen jáne basqalarymen baılanysty shyǵyndary», - dep túsindiredi Úkimet basshysy.

Asqar Mamınniń atap ótýinshe, atalǵan sharany uıymdastyrýǵa jumyldyrylǵan jeke sektordyń, kólik kompanııalarynyń, qoǵamdyq tamaqtaný oryndarynyń, qonaq úı keshenderiniń aýdarymdary túrinde bıýdjetke shamamen 240-360 mln teńge salyq túsetindigi boljanyp otyr.

Esterińizge sala keteıik, 2018 jyldyń 27 shildesinde Dúnıejúzilik saýda uıymy Bas keńesiniń otyrysynda uıymǵa múshe elder 2020 jyldyń jazynda 12-shi DSU mınıstrlik konferentsııasyn Nur-Sultanda ótkizý týraly sheshimdi bir aýyzdan qoldaǵan bolatyn.