Asqar Mamın: Búgingi mereke – eń asyl qundylyǵymyz bereke-birligimizdiń sımvoly

NUR-SULTAN. QazAqparat - QR Premer-Mınıstri Asqar Mamın otandastarymyzdy 1 mamyr - Qazaqstan halqynyń birligi kúnimen quttyqtady, dep habarlaıdy QazAqparat primeminister.kz-ke silteme jasap.

«Qurmetti otandastar, barshańyzdy 1 mamyr – Qazaqstan halqynyń birligi kúnimen quttyqtaımyn! Búgingi mereke – bizdiń eń asyl qundylyǵymyz bereke-birligimizdiń sımvoly. Kópultty qoǵamnyń yntymaǵynyń arqasynda Qazaqstan óziniń yqylym zamanǵy tarıhynda talaı qıynshylyqty eńserip, kemel keleshegine nyq qadam basyp keledi.

Halqymyzdyń aýyzbirshiligi qazirgideı kúrdeli kezeńdegi synaqtan da súrinbeı ótip, bizdiń ortaq shańyraǵymyz – Qazaqstan Respýblıkasynyń damý jolyn jalǵastyrýǵa múmkindik beretinine senimdimin.

Qazaqstandyqtarǵa, árbir otbasyna zor densaýlyq, ózara syılastyq, beıbit ómir men ıgilik tileımin!» - dedi Qazaqstannyń Premer-Mınıstri Asqar Mamın.