Asqar Mamın «Aýyl – el besigi» jobalaryn iske asyrýdy jandandyrýdy tapsyrdy
«Aýyl – el besigi» jobasynyń basty maqsaty – aýyldyq aýmaqtardyń áleýmettik jáne ınjenerlik ınfraqurylymyn jańǵyrtý arqyly aýyldaǵy halyqtyń turmys sapasyn jaqsartý bolyp tabylady. Osy baǵdarlama boıynsha 3 561 aýyl iriktep alyndy, olarda 6,9 mln adam turyp jatyr, bul aýyl halqynyń - 89 paıyzy», - dedi Asqar Mamın búgin Úkimet otyrysynda.
Úkimet basshysynyń atap ótýinshe, 2019-2020 jyldary turǵyn úı-kommýnaldyq sharýashylyq, kólik, bilim berý, densaýlyq saqtaý, mádenıet jáne sport salalarynda «Aýyl – el besigi» jobasynyń aıasynda jáne de Jumyspen qamtýdyń jol kartasy, «Nurly jol» jáne «Nurly jer» baǵdarlamalarynyń aıasynda, barlyq qarjylandyrý kózderinen 618 mlrd teńgeni kuraıtyn 12 myń joba iske asyryldy.
«Bıylǵy jyly «Aýyl – el besigi» jobasyn iske asyrý aıasynda jobalardy tapsyrý men bólingen bıýdjet qarajatyn ıgerý boıynsha Pavlodar, Qostanaı, Jambyl, Shyǵys Qazaqstan oblystary jaqsy serpin kórsetip otyr. Jyl sońyna deıin 2,5 aı ǵana qaldy, barlyq ákimdikter, ásirese, Almaty, Qyzylorda jáne Atyraý oblystary jobalardy iske asyrý boıynsha jumysty jandandyrý qajet», - dedi Premer-Mınıstr.