Asqar Mamın: Aqtóbe oblysy halqynyń turmys sapasy men ál-aýqaty jaqsarady
«Aqtóbe oblysy – batys alomeratsııasynyń ortalyǵy, elimizdegi mańyzdy ındýstrııalyq-agrarlyq óńir. Metallýrgııa, hımııa jáne munaı-gaz salalaryn damytý úshin oblystyń aıtarlyqtaı áleýeti bar. Keshendi jospardyń 36 is-sharasyn iske asyrý oblystyń damýyna jańa serpin beredi, bes jyl ishinde shamamen 5,8 trln teńge ınvestıtsııa tartýǵa múmkindik beredi», - dedi Premer-Mınıstr Asqar Mamın Úkimet otyrysy barysynda.
Onyń aıtýynsha, kóliktik jáne ınjenerlik-kommýnıkatsııalyq ınfraqurylymdy damytý jobalary iske asyrylady. Jańa óndirister ashylyp, jańa mektepter men aýrýhanalar paıdalanýǵa beriledi. 114 myńǵa jýyq jańa jumys oryndary qurylady.
«Eń bastysy – oblys halqynyń turmys sapasy men ál-aýqaty jaqsarady, ortasha jalaqy ósedi. Osyǵan baılanysty, keshendi jospardy sapaly iske asyrý úshin barlyq kúsh-jiger jumsalýy qajet. Biz bul qujatty maquldaımyz. Ulttyq ekonomıka mınıstrligi men Aqtóbe oblysynyń ákimdigi múddeli memlekettik organdarmen birge jospardaǵy is-sharalardyń ýaqtyly oryndalýyn qamtamasyz etsin», - dedi Premer-Mınıstr.