Asqar Mamın Aqtaýdaǵy «Transtelekom» AQ-nyń Derekterdi óńdeý ortalyǵyna bardy

AQTAÝ. QazAqparat – Qazaqstan Respýblıkasy Premer-mınıstriniń Aqtaý qalasyna sapary kezinde «Transtelekom» kompanııasy 2 gektardan asatyn jer teliminde turǵyzylǵan, aýdany 1664 m2 bolatyn Derekterdi óńdeý ortylyǵyn (DÓO) kórsetti, dep habarlaıdy QazAqparat.

DÓO-nyń qurylysy 2020 jyly bastalyp, 10 aı ishinde aıaqtalǵan. Qurylysqa 6,8 mlrd qarajat ketti. Karantınge baılanysty barlyq shekterýlerge qaramastan, TTS komandasy rekordtyq merzimde Aqtaýdy qosqanda Qazaqstannyń 9 qalasynda Tier III deńgeıindegi barlyq qaýipsizdik pen senimdilik standarttaryna saı data ortalyqtar salý boıynsha iri masshtabty jobany júzege asyra aldy.

«Zamanaýı DÓO – derektermen qaýipsiz almasýdy qamtamasyz etetin tsıfrlyq qorǵan. Bıyl derekterdi óńdeý ortalyqtarynyń óńirlik jelisin damytýdy josparlap otyrmyz. Qatysý geografııasynyń keńeıtilýimen birge bizge barlyq nysandardyń data-ortalyqtardyń ınfraqurylymy jáne ony paıdalaný bóliginde Tier III deńgeıine sáıkestigine kepildik berý mańyzdy», - dedi «Transtelekom» AQ-nyń basqarma tóraǵasy Elnar Adaıbekov.

Kompanııa klıentterine qazirdiń ózinde Aqtaý, Qaraǵandy, Qyzylorda, Atyraý, Aqtóbe, Oral, Jezqazǵan, Nur-Sultan jáne Almaty qalalarynda jumys istep jatqan data-ortalyqtardyń túrli servısteri qoljetimdi. Olardyń qatarynda: serverlik qurylǵyny ornatý (colocation), bultty ınfraqurylym (IaaS), rezervti kóshirý, ákimdik etý jáne basqa da servıster.