Asqar Mamın aqparat mınıstrliginiń ujymyna jańa basshysyn tanystyrdy
18:16, 04 Mamyr 2020
NUR-SULTAN. QazAqparat - QR Premer-Mınıstri Asqar Mamın QR Aqparat jáne qoǵamdyq damý mınıstrliginiń ujymyna jańa mınıstr – Aıda Balaevany tanystyrdy, dep habarlaıdy QR Úkimetiniń baspasóz qyzmeti.
Úkimet basshysy burynǵy mınıstr Dáýren Abaevqa atqarǵan jumysy úshin alǵys aıtyp, jańa qyzmetinde tabys tiledi.
Asqar Mamın jańa mınıstrdi tanystyra otyryp, Aıda Balaevanyń aqparat jáne ishki saıasat salasyndaǵy 20 jyldyq jumys tájirıbesin atap ótti. Túrli jyldary ol Almaty qalasynyń ishki saıasat departamentiniń dırektory, Astana qalasy ákiminiń orynbasary, QR Prezıdenti Ákimshiliginiń Іshki saıasat bóliminiń meńgerýshisi qyzmetterin atqarǵan.
Osyǵan deıin QR Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyn atqarǵan.