Asqar Mamın Aqmoladaǵy astyq jınaý naýqany men jem-shóp daıyndaý barysyn tekserdi
Qazaqstanda bıyl egin jınaý naýqany ýaqytyly bastaldy, búgingi tańda 11,8 mln ga dándi jáne dándi-burshaqty daqyldar nemese 74,3% jınaldy, ortasha ónimdilik 8,7 ts/ga quraǵanda 10,3 mln tonna bastyryldy.
Aqmola oblysyndaǵy jazdyq egis alańy 5 mln gektar, onyń ishinde dándi jáne dándi-burshaqty daqyldar – 4,5 mln ga (108,4 myń ga ósim), maıly daqyldar – 266,5 myń ga (+56,8 myń ga), júgerini qosa eseptegende jem-shóp daqyldary – 191,4 myń ga (+6,1 myń ga), kartop – 20,6 myń ga, kókónister – 3,5 myń ga.
Qazirgi ýaqytta Aqmola oblysy boıynsha 3,5 mln ga dándi jáne dándi-burshaqty daqyldar nemese olardyń jalpy jınaý alańynyń 78%-y bastyryldy. Ortasha ónimdiligi 8 ts/ga boldy, 2,8 mln tonnadan astam astyq jınaldy.
Qysqy kezeńge daıyndyq aıasynda 1,2 mln tonna shóp nemese josparlanǵan kólemniń 95%-y, 176 myń tonna pishendeme (jospardyń 72%-y), 43 myń tonna súrlem (23%), 152 myń tonna (15%) saban daıyndaldy.
Aýa raıy qolaıly bolǵan jaǵdaıda egin jınaý naýqanyn ońtaıly merzimde – qyrkúıektiń sońyna deıin aıaqtaý kózdelgen.
Úkimet basshysy Jaqsy aýdanyndaǵy kúzgi dala jumystarmen, jergilikti aýyl sharýashylyǵy kásiporyndarynyń materıaldyq-tehnıkalyq bazasymen, dándi jáne jem-shóp daqyldaryn óńdeý jáne tazartý, sondaı-aq et jáne sút ónimderi óndirisin keńeıtý jobalarymen tanysty.
A. Mamın «Agrofırma TNK» JShS óndiristik alańdarynyń birine bardy, ol 15 kásiporynnan turady jáne elevatorlardy, dıirmenderdi, qurama jem jáne jarma zaýyttaryn, agrohımııalyq zerthana men naýbaıhanany qamtıdy. Jumyskerleriniń jalpy sany 2 myń adamdy quraıdy, aýyl sharýashylyǵy jerleriniń aýmaǵy – 430 myń ga, egis alqaby – 200 myń ga, elevatorlarda bir jolǵy saqtaý kólemi – 500 myń tonna. Un óndirý qýaty – jylyna 350 myń tonna, qurama jem óndirý qýaty – 80 myń tonna, jarma óndirý qýaty – 18 myń tonna.
«Aýyl – el besigi» jobasynyń iske asyrylýyn baqylaý sheńberinde Premer-Mınıstr Jaqsy aýylynyń áleýmettik ınfraqurylym obektilerin – kóppáterli turǵyn úıdi, sport mektebin jáne saýda ortalyǵyn aralap kórdi.
Bıylǵy jyldyń qańtar-shilde aılarynda Aqmola oblysynyń aýyl sharýashylyǵynyń jalpy ónim kólemi 2020 jyldyń sáıkes kezeńimen salystyrǵanda 11,9%-ǵa ósip, 154 mlrd teńgeni qurady. Óńdelgen et óndirisi 50,1%-ǵa (47,1 myń tonna), shujyq ónimderi óndirisi 31,6%-ǵa (1,6 myń tonna), sút ónimderi óndirisi 1,9%-ǵa (60,5 myń tonna) ulǵaıdy.
Osy jyldyń qańtar-shilde aılarynda agrarlyq sektorda negizgi kapıtalǵa salynǵan ınvestıtsııalar 60,2 mlrd teńgeni qurady, bul ótken jyldyń sáıkes kezeńinen 2 ese kóp.
Nur-Sultan qalasynyń aınalasynda Azyq-túlik beldeýin damytý aıasynda jalpy somasy 41,7 mlrd teńgege 50 ınvestıtsııalyq jobany iske asyrý – bordaqylaý alańdaryn, sút-taýar fermalaryn, qus fabrıkalaryn, astyq jáne kókónis qoımalaryn, aýyl sharýashylyǵy ónimderin qaıta óńdeý keshenderin salý josparlanǵan.