Asqar Mamın: 2021 jylǵy maqsat - ekonomıka ósimin 3,7 paıyz deńgeıinde qamtamasyz etý
11:47, 10 Shilde 2021
NUR-SULTAN. QazAqparat – 2021 jylǵy maqsat ekonomıka ósimin 3,7 paıyz deńgeıinde qamtamasyz etý. Bul týraly QR Premer-Mınıstri Asqar Mamın aıtty, dep habarlaıdy QazAqparat tilshisi.
«Úkimet bıyl birqatar nysanaly kórsetkishterge qol jetkizý úshin belsendi jumys júrgizýde. Bul – ekonomıkanyń ósý deńgeıin 3,7-4 paıyz aralyǵynda qamtamasyz etý», - dedi Premer-Mınıstr Úkimettiń keńeıtilgen otyrysynda.
Úkimet basshysynyń atap ótýinshe, sondaı-aq osy jyldyń sońyna deıin 8 trln teńgege 415 ınvestıtsııalyq jobany iske asyrý, 17 mln sharshy metr turǵyn úıdi paıdalanýǵa berý josparlanyp otyr. Sonymen qatar, bilim berý jáne densaýlyq saqtaý nysandaryn, ınfraqurylymdy salý jáne jańǵyrtý, aýyz sýǵa qoljetimdilikti arttyrý kózdeledi.