Asqar Mamın: 1 mamyrdan bastap kópbalaly otbasylarǵa páter bólýdi bastaımyz

ASTANA. QazAqparat - Aldaǵy eki jylda 22,5 myń otbasy 2 paıyzdyq turǵyn úı nesıesin alady. Bul týraly búgin «Nurly jer» baǵdarlamasy qaralǵan Úkimet otyrysynda QR Premer-mınıstri Asqar Mamın aıtty, dep habarlaıdy QazAqparat tilshisi.

Asqar Mamın Memleket basshysynyń tapsyrmasy boıynsha «Nurly jer» baǵdarlamasyna ózgerister engizý qajettigin atap ótti.

«Elbasynyń áleýmettik qamqorlyq sharalaryn iske asyrý aıasynda 5 jyldyń ishinde jyl saıyn 6 myńǵa jýyq kópbalaly otbasy úımen qamtamasyz etiledi. 1 mamyrdan bastap páter bólýdi bastaımyz», -dedi ol.

Sonymen Premer-mınıstr Elbasynyń tapsyrmasyna sáıkes muqtaj otbasylarǵa turǵyn úı nesıeleri Turǵynúıqurylysjınaqbanki júıesi arqyly beriletindigin aıtty.

«Eki jylda 22,5 myń otbasy jeńildikpen nesıe alady», - dedi Úkimet basshysy.