Asqar Dostııarov «Qazyna Kapıtal Menedjment» aktsıonerlik qoǵamyn basqarady

ASTANA. QazAqparat  - «Báıterek» ulttyq basqarýshy holdıngi» AQ basqarmasynyń sheshimimen Asqar Dostııarov «Qazyna Kapıtal Menedjment» AQ basqarmasynyń tóraǵasy bolyp taǵaıyndaldy. Bul jaıynda holdıngtiń baspasóz qyzmetinen málim etti, dep habarlaıdy QazAqparat.

Asqar Dostııarovtyń sheteldik ınvestorlardy tartýyn qosa alǵanda, qarjy salasyndaǵy 16 jyldyq jumys ótili bar.  «Báıterek» ulttyq basqarýshy holdıngi» AQ kompanııasynyń tobynda 2013 jyldan qyzmet etýde. «Qazaqstannyń damý banki» AQ basqarma tóraǵasynyń orynbasary, basqarma tóraǵasynyń birinshi orynbasary, «Báıterek» holdıngi basqarmasynyń múshesi basqarýshy dırektor laýazymdaryn atqarǵan.

Asqar Dostııarov Ál-Farabı atyndaǵy Qazaq Memlekettik ulttyq ýnıversıteti, School of Business, the George Washington University (MBA) oqý oryndaryn aıaqtaǵan.

«Qazyna Kapıtal Menedjment» AQ «Báıterek» holdınginiń enshiles uıymy tikeleı ınvestıtsııalar qorynyń qory. Qazaqstanda privat equity tıimdi naryǵyn damytý jáne aktıvterdi basqarýdyń úzdik álemdik praktıkasyn engizý maqsatynda qurylǵan.