Askanııa buǵylary «Býrabaı» ulttyq parkinde fototuzaqqa túsip qaldy

KÓKShETAÝ. QazAqparat - Askanııa buǵylary «Býrabaı» ulttyq parkindegi fototuzaqtyń obektıvine tústi. Sırek kadrlar «Býrabaı» ulttyq parkinen alyndy, dep habarlaıdy QazAqparat tilshisi QR Prezıdenti Teleradıokesheniniń resmı Telegram kanalyna silteme jasap.

Askanııa buǵysy-bul Ýkraınanyń Askanııa-Nova qoryǵyndaǵy qyzyl buǵynyń ártúrinen býdandastyrý arqyly alynǵan buǵynyń bir túri. Bul buǵylar Qazaqstanǵa 1983 jyly ákelingen. «Býrabaı» memlekettik ulttyq tabıǵı parkiniń aýmaǵynda Askanııa buǵysynyń 1300-den astam daraǵy mekendeıdi.

Eske salaıyq, fototuzaq obektıvine ártúrli janýarlar túsip turady. Jaqynda jabaıy qabandar «Býrabaı» ulttyq parkindegi fototuzaqqa tústi. Onyń aldynda «Altyn Emel» ulttyq parkinde alǵash ret qar barysynyń fototuzaqqa túskeni belgili boldy.