Asyrap alǵan balalaryn qorlaǵan emshi jazalanbaıtyn boldy

<p><strong>ShYMKENT. KAZINFORM. </strong><strong>- </strong><strong>Shymkentte qamqorlyǵyna jáne asyrap alǵan balalaryna qorlyq kórsetti degen emshige qatysty iske núkte qoıyldy.</strong></p>

Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda Ý.Smanovqa qatysty Qylmystyq kodekstiń 140-babynyń 2-bóligi (Kámeletke tolmaǵan adamdy tárbıeleý jónindegi mindetterdi oryndamaý), Qylmystyq kodekstiń 110-baby 2-bóliginiń 1,2-tarmaqtary (Qınaý) boıynsha sotqa deıingi tergep-tekserý organynyń medıtsınalyq sıpattaǵy májbúrleý sharalaryn qoldaný týraly ótinish hatymen kelip túsken qylmystyq isti qarady. 

Foto: Jansaıa Táýekelqyzy/Kazinform

Sot-psıhıatrııalyq saraptamasynyń qorytyndysyna sáıkes, Ý.Smanov sozylmaly jáne psıhıkalyq aýrýmen aýyrady jáne óz is-áreketterin jasaý kezinde es-tússiz jaǵdaıda bolǵan. ıAǵnı, Qylmystyq kodekstiń 16-babyna sáıkes (Esi durys emestik) qoǵamǵa qaýipti is-áreketti jasaǵan ýaqytta esi durys emes kúıde bolǵan, ıaǵnı sozylmaly psıhıkalyq aýrýy, psıhıkasynyń ýaqytsha buzylýy, aqyl-esiniń kemdigi nemese psıhıkasynyń ózge de dertke ushyraýy saldarynan óziniń áreketteriniń (áreketsizdiginiń) is júzindegi sıpaty men qoǵamǵa qaýiptiligin uǵyna almaǵan nemese olarǵa ıe bola almaǵan adam qylmystyq jaýapkershilikten bosatylady.

«U.Smanov Qylmystyq kodekstiń 16-babyna sáıkes qylmystyq jaýapkershilikten bosatylsyn. Oǵan mamandandyrylǵan úlgidegi psıhıatrııalyq statsıonarda májbúrlep emdeý taǵaıyndalsyn», - dedi kámeletke tolmaǵandardyń isteri jónindegi mamandandyrylǵan aýdanaralyq sot tóraǵasynyń mindetin atqarýshy Bolat Qarabaev.

Budan ózge jabyq sot otyrysynda Oqý-aǵartý mınıstrligine, Astana, Almaty jáne Shymkent qalalarynyń bilim basqarmalarynyń qorǵanshylyq jáne qamqorshylyq organdaryna, sondaı-aq Shymkent qalalyq Polıtsııa departamentine balalardy psıhıkalyq aýrýmen aýyratyn adamnyń qamqorlyǵyna berý faktisi boıynsha jeke qaýly shyǵaryldy.

Qaýly zańdy kúshine engen joq. 

Foto: Jansaıa Táýekelqyzy/Kazinform

Shymkentte jergilikti emshiniń 6 balany asyrap alyp, olarǵa ıt pen mysyqtyń etin bergenin, úsh jyldan beri azaptap kelgenin jazǵan bolatynbyz. Keıinirek emshi týraly tyń derek shyqty.

Emshi isinen soń bilim salasynyń birqatar qyzmetkeri jazalandy. Sonymen qatar qalalyq densaýlyq saqtaý basqarmasyndaǵylar balalardyń qazirgi jaǵdaıy týraly aıtyp berdi.

Budan ózge Kazinform redaktsııasyna emshi asyrap alǵan balalar týraly tyń derek kelip tústi. Ondaǵy málimette búldirshinderdiń biri atalǵan otbasyǵa nebári 1,5 aılyǵynda qamqorlyqqa berilgeni kórsetilgen. Qamqorlyqqa berilgen balalardyń arasynda úsh aılyq egizder de bar.

Balalardyń biriniń ájesi Óskemende turatyny belgili boldy. Ol Kazinform tilshisine bergen suhbatynda jıen nemeresi asyraýǵa qalaı berilgenin aıtyp berdi.

Astana qalalyq Bilim basqarmasyna emshiniń qamqorlyǵyna berilgen egiz balalar elordaǵa qaıtarylatynyn aıtty.

Qoǵamdyq rezonans týdyrǵan is sotqa kelip tústi.

Kóp uzamaı asyrap alǵan balalaryn qorlady degen aıyp taǵylyp otyrǵan emshiniń isin qaraıtyn sýdıa belgili boldy.

ІІM Kazinform agenttiginiń resmı saýalyna bergen jaýabynda asyrap alǵan alty balany azaptady degen kúdikke ilingen emshiniń mamandandyrylǵan aýrýhanada jatqanyn aıtty.

Al Oqý-aǵartý mınıstrligi bala quqyqtaryn qorǵaý komıteti shymkenttik emshi aqyl-esi saý degen qujat ótkizgenin málimdedi.

Búgin ótip jatqan sot proıesindegi bilim basqarmasynyń mamany emshiniń osydan 31 jyl buryn adam óltirgenin aıtty.

Asyrap alǵan balalaryn qorlaǵan emshiniń 31 jyl buryn adam óltirgeni rastaldy.

Emshiniń advokatynyń aıtýynsha, ol psıhıkalyq aýytqýyna baılanysty 1995 jyldan beri esepte turǵan.