Asyrandy 6 balany azaptaǵan «emshi» Shymkenttegi tergeý ızolıatorynda otyr

<p>ShYMKENT. KAZINFORM &ndash; Atyshýly qylmystyq is boıynsha shyqqan qaýly negizinde &laquo;qamqorlyǵyna jáne asyrap alǵan balalaryna qorlyq kórsetti&raquo; dep aıyptalǵan U. Smanov jaýapkershilikten bosatylǵan bolatyn. Sozylmaly jáne psıhıkalyq aýrýmen aýyratyny jáne óz is-áreketterin jasaý kezinde es-tússiz jaǵdaıda bolǵanyna baılanysty mamandandyrylǵan úlgidegi psıhıatrııalyq statsıonarda májbúrlep emdeý sharasy taǵaıyndalǵan. Alaıda, onyń qazir tergeý ızolıatorynda otyrǵany belgili boldy. &nbsp;</p>

Ulyqbek Smanov QR Іshki ister mınıstrligi Qylmystyq atqarý júıesi komıtetiniń Shymkent qalasyndaǵy №69 respýblıkalyq memlekettik mekemesinde qamaýda otyr. Shymkent qalalyq QAJD redaktsııamyzdyń saýalyna jaýap retinde Smanovtyń tergeý ızolıatorynda otyrǵany týraly aqparatty qurǵaq rastaýmen shekteldi.

«Jazasyn óteýshi sot taǵaıyndaǵan jazasyn ótep jatyr. Onyń densaýlyǵy týraly aqparat jarııa etiletin aqparatqa jatpaıdy. Sonymen birge, sottalǵandarǵa medıtsınalyq kómek kórsetý Densaýlyq saqtaý mınıstrliginiń quzyryna berilgenin habarlaımyz», - delingen departament jaýabynda.

Al, Densaýlyq saqtaý mınıstrligi sot qaýlysymen májbúrlep emdeýge jiberilgen naýqastyń jaǵdaıy men emdeý hattamasy týraly aqparat berýden bas tartty. «Dárigerlik qupııaǵa» silteme jasalǵan jaýapta Qazaqstan Konstıtýtsııasyna sáıkes árbir azamattyń jeke ómirine, onyń ishinde jeke jáne otbasy qupııasyna quqyǵy bar ekeni kórsetilgen. Tipti, aýyr qylmys úshin sottalǵan kezde de zań jeke ómirge syrttan orynsyz aralasýǵa jol bermeıdi.

«Halyq densaýlyǵy jáne densaýlyq saqtaý júıesi týraly» Kodekstiń 171-baby men 173-babynda sottalǵandarǵa bólek anyqtama berilmegen. Olar psıhıkalyq jáne minez-qulyq buzylystary (aýrýlary) bar adamdar bolyp sanalady», - delingen Densaýlyq saqtaý mınıstrliginiń jaýabynda.

Nelikten Ulyqbek Smanov búginge deıin Aqtas aýylynda ornalasqan, elimizdegi jalǵyz mekeme sanalatyn, qarqyndy baqylaýdaǵy mamandandyrylǵan respýblıkalyq psıhıatrııalyq aýrýhanaǵa aýystyrylmaǵan? Bul suraǵymyzǵa jaýap bergen zańger Evgenıı ıAvorskıı esi durys emes dep tanylǵan jazasyn óteýshiler shynymen de arnaıy mekemelerde emdelý kerek ekenin atap ótti. Alaıda, keıbir jaǵdaılarda, máselen oryn jetkiliksiz bolǵanda nemese aýystyrýdy uıymdastyrýda qıyndyqtar týyndaǵan kezde olar tergeý ızolıatorynda qalýy múmkin.

«Onyń emdelýge jiberilgeni týraly aqparatty eskersek, onda bul ýaqytsha sheshim bolýy múmkin», - dep túsindirdi advokat.

Quqyq qorǵaýshynyń oıynsha, is júzinde aqyl-esi durys emes dep tanylǵan adamdardyń qajetti emdeý men tıisti baqylaýdy qamtamasyz etetin jaǵdaıda bolýyna kepildik beretin sharalardy engizý qajet.

Aıta ketsek, QR Bas prokýratýrasy quqyqtyq statıstıka komıteti «Aqparattyq qyzmet» júıesi jasaǵan qujatta U.Smanovtyń 1993 jyly «abaısyzda adam óltirý» babymen isti bolǵany jáne psıhıkalyq aýytqýyna baılanysty qylmystyq is toqtatylyp, ol májbúrlep emdeýge jiberilgeni kórsetilgen.

Eske salaıyq, Shymkentte jergilikti «emshiniń» 6 balany qamqorlyqqa alyp, olarǵa ıt pen mysyqtyń etin bergenin, mal baqtyryp, úsh jyldan beri azaptap kelgenin jazǵan bolatynbyz. Keıinirek ol týraly tyń derek shyqty. Osy iske baılanysty bilim salasynyń birqatar qyzmetkeri jazalandy.

Balalardyń eldiń birneshe qalasynan asyrap alynǵany belgili boldy. Asyrap alynǵan balalardyń arasynda úsh aılyq egiz de bar. Balalardyń biriniń ájesi Óskemende turady. Kazinform tilshisi 65 jastaǵy Natalıa Ýstınovamen jolyǵyp, jıen nemeresiniń asyraýǵa qalaı berilgenin surap kórdi. Al Shymkenttegi balalar úıiniń basshysy qorlyq kórgen oqýshy týraly aıtyp berdi.

Qoǵamdyq rezonans týǵyzǵan is sotqa túsip, iske núkte qoıyldy.