Asylhan Kósherbaı jastar arasyndaǵy álem chempıonatynda kúmis júldege ıe boldy

<p><strong>ASTANA. KAZINFORM &ndash; AQSh-tyń Pýeblo qalasynda ótip jatqan U19 jasqa deıingi jastar arasyndaǵy álem chempıonatynda qazaqstandyq boksshy aýstralııalyq Kýper Makkonalmen altyn júldeni sarapqa saldy.&nbsp;</strong></p>

65 keli salmaq dárejesi boıynsha óner kórsetken Asylhan Kósherbaı fınaldyq básekede jeńiske jetýge baryn saldy. Tartysqa toly kezdesýde otandasymyz qarsylasynan bir bas joǵary bolǵan. Aýstralııalyq boksshyny nokdaýnǵa túsirip, bul jekpe-jekte kimniń úzdik ekenin kórsetip baqqan. Alaıda tóreshiler kúmándi sheshim qabyldap, 2:3 esebimen jeńisti K. Makkonalǵa berdi.  

Osylaısha qazaqstandyq sportshy álem chempıonatynyń kúmis júldesin qanaǵat tutty. Al, Kýper U19 jasqa deıingi jastar arasynda álem chempıony atandy. 

Eske sala keteıik, buǵan deıin 85 keli salmaq dárejesi boıynsha Danııal Raıymbekov te kúmis júldege ıe bolǵan edi.

Sonymen qatar Chernogorııanyń Býdva qalasynda ótip jatqan álem chempıonatynda Tórehan Sabyrhan (67 keli) bokstan jastar arasyndaǵy 2024 jylǵy álem chempıony boldy. Atalǵan básekede taǵy eki qazaqstandyq boksshy altyn medal alyp, el mereıin asqaqtatty.