Asylbek Nuralın Májilis depýtaty retinde ant berdi

<p>ASTANA. KAZINFORM &ndash; Búgin Parlament Májilisiniń jalpy otyrysynda Asylbek Jamashuly Nuralın depýtat retinde ant berdi.</p>

«Qazaqstan halqyna adal qyzmet etýge, Qazaqstannyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», – dedi A. Nuralın.

Sonymen qatar Asylbek Jamashuly Májilistiń Áleýmettik-mádenı damý komıtetiniń quramyna saılandy.

Budan buryn habarlanǵandaı, jaqynda Qazaqstan Halyq partııasynyń Bıýrosy QR Parlamenti Májilisiniń depýtaty, QHP fraktsııasynyń múshesin rotatsııalaý týraly sheshim qabyldady.

Bul rette, Gaýhar Tanashevanyń QR Parlamenti Májilisiniń depýtaty ókilettigi Asylbek Nuralınge berildi.