Asyl Aıtaqyn Azııa chempıonatynda kúmis aldy

<p>ASTANA. KAZINFORM - Qyrǵyzstan astanasy Bishkek qalasynda ótip jatqan Azııa chempıonatynda el quramasynyń qorjyny taǵy bir júldemen tolyqty.&nbsp;&nbsp;</p>

61 keli salmaq dárejesinde jarys jolyna shyqqan qazaqstandyq balýan Asyl Aıtaqyn fınalda qyrǵyzstandyq Taıyrbek Jýmabek ýýlýnan 3:1 esebimen jeńilip qaldy. Osylaısha otandasymyz kúmis júldeni qanaǵat tutty. 

Buǵan deıin el quramasynan 86 keli salmaqta Azamat Dáýletbekov Azııa chempıony atanǵan bolatyn. Sondaı-aq búgin Talǵat Syrbaz (74 keli) qola júldege talasady. Al, Ádilet Davlýmbaev (92 keli) pen Abylaı Sovet (125 keli) jarys jolynan erterek shyǵyp qaldy.

Aıta ketsek, jarystyń alǵashqy kúni, 11 sáýirde Rızabek Aıtmuqan (97 keli) kúmis, Meırambek Qartbaı (57 keli) qolaǵa qol jetkizdi.

Endi 13-14 sáýir kúnderi áıelder, 15-16 sáýirde grek-rım sheberleri boz kilemge shyǵady.

Qurlyqtyq dodada erkin kúres, grek-rım jáne áıelder kúresinen barlyǵy 30 medal jıyntyǵy sarapqa salynady.