Ashyq jobasyna qatysatyn nysandardyń jumys ýaqyty belgili boldy
Bul týraly QR DSM Bas memlekettik sanıtar dárigeri Erlan Qııasovtyń Kásipkerlik obektilerinde «Ashyq» mobıldik qosymshasyn engizý týraly jańa qaýlysymen birge jarııalanǵan 4-qosymshada naqty kórsetilgen.
Mysaly, ǵımarat ishinde qyzmet kórsetetin meıramhana, dámhana, kofehana sııaqty nysandar men tamaqtaný oryndary «qyzyl» aımaqta ornalasqan bolsa, 50% júktememen ári 50 orynnan asyrmaı tańǵy saǵat 7.00-den túngi saǵat 2.00-ge deıin jumys isteı alady. «Sary» aımaq pen «jasyl» aımaqtaǵy dámhanalar men meıramhanalarǵa da dál osyndaı talap qoıylady. ıAǵnı Ashyq jobasyna qatysqan tamaqtaný oryndary men dámhana, meıramhanalardyń múmkindigi aımaq túsine qaramaı teńestirilip otyr degen sóz.
«Qyzyl» aımaqtaǵy jazǵy alańdarǵa da dál osyndaı talap qoıylǵan. Al «sary» jáne «jasyl» aımaqtaǵy jazǵy alańdarǵa kisi men oryn sanyna qatysty shekteý joq. Tek Ashyq jobasyna qatysýshy bolsa jetkilikti.