«Ashyq» jobasy úshin PTR test tapsyrý qajet pe
«Ashyq» jobasy QR kodyn paıdalaný arqyly mekemege kelýshilerdiń mártebesin anyqtaýǵa múmkindik beredi.
Mekemege kelgen saıyn PTR test tapsyrý, tapsyrmaý qajettiligi týraly qalanyń bas memlekettik sanıtarlyq dárigeri Jandarbek Bekshın aıtty.
«PTR test tapsyrýdyń qajeti joq. Ony úsh kún saıyn tapsyra da almaısyz. Eger PTR test tapsyrsańyz, onda qorǵaldyńyz, sizge jasyl tús mártebesi beriledi. PTR testi qaıta qaıta tapsyrý mindetti emes. Eger siz «qyzyl» málimetter bazasynda bolsańyz, ol - juqtyrǵan adam, al «sary» - juqtyrǵan adammen baılanys bolǵan degen sóz. Osy eki tús eń qaýipti jáne olar oqshaýlanýy tıis. Bizdiń mindetimiz - olardyń qoǵamdyq nysandarǵa kirýine jol bermeý», - dedi J.Bekshın.
Onyń aıtýynsha, PTR test túrli jarysqa qatysýshylar men basqa elge ushqysy keletinder úshin berilýi kerek.
«Keıbir sporttyq is-sharalarda, básekeniń bastalýyna eki kún qalǵanda jarysqa qatysýshy PTR testin tapsyrýy kerek dep algorıtmde jazylǵan. Al shetelge ushqanda áýejaıǵa barasyz. Onda sizden PTR test talap etedi», - dedi spıker.