Ashyq jobasy bıznesti damytýda oń septigin tıgizip jatyr – Abylaı Myrzahmetov

NUR-SULTAN. QazAqparat – Elimizde pandemııa jáne karantın jaǵdaıynda bıznestiń damýynda Ashyq júıesiniń róli zor. Bul pikirdi «Atameken» ulttyq kásipkerler palatasynyń basqarma tóraǵasy Abylaı Myrzahmetov aıtty, dep habarlaıdy QazAqparat tilshisi.

«Ótken jyldyń aýyr bolǵany aıtpaı-aq túsinikti. Ásirese, bıznes ókilderi úshin qıyn boldy. Pandemııa mıllıondaǵan kásipkerdiń isine keri áserin tıgizip, shamamen 80 paıyz sýbektini qamtydy. Shamamen 500 myńnan astam qyzmet kórsetý kásiporny zardap shekti. Rasynda da biz ne isteý keregin bilmedik. Árıne, ótken jyl biz úshin sabaq boldy, ıaǵnı biz pandemııa jaǵdaıynda tirshilik etýdi úırendik», - dedi Abylaı Myrzahmetov Baigenews.kz aqparat agenttigi «20:21» jobasynyń tikeleı efırinde.

Onyń aıtýynsha, el ekonomıkasynyń 10 aıdaǵy damýyna qorytyndy jasaldy. Jáne ishki ónim kólemi 3,6 paıyzdy qurady.

«Atameken» UKP basshysynyń málimetinshe, bıyl sáýir aıynan bastap iske qosylǵan Ashyq júıesi - el bıligi, qoǵam jáne bıznes ókilderi arasyndaǵy teńgerimdi saqtap otyrǵan basty qural.